Kantipur

Kantipur

मिति | २०७१ वैशाख ११, बिहीवार     Login | Register
समाचार»

कांग्रेस नेतृत्व नै एमाले बैठकमा अनुमोदित

काठमाडौ, मंसिर २६ -
एमाले केन्द्रीय समितिले राष्ट्रिय सहमतिको सरकार कांग्रेसको नेतृत्वमा बनाउने स्थायी समितिको निर्णयलाई अनुमोदन गरेको छ । राष्ट्रिय सहमतिको सरकारका लागि कांग्रेसको नेतृत्व स्वीकार्ने निर्णय स्थायी समितिले गरेको थियो । स्थायी समिति र पोलिटब्युरोको निर्णयमाथिको दुई दिन चलेको छलफलपछि पुराना सबै निर्णय अनुमोदन भएका छन् । 'कांग्रेस नेतृत्वका राष्ट्रिय सहमतिको सरकार बनाउने, वैशाखमा निर्वाचन गर्ने लगायतका निर्णय स्थायी समिति र पोलिटब्युरोले गरेका थिए,' प्रचार विभाग प्रमुख प्रदीप ज्ञवालीले कान्तिपुरसँग भने, 'ती निर्णयलाई केन्द्रीय कमिटीले अनुमोदन गरेको छ ।' केही नेताहरूले कांग्रेस नेतृत्वमा सहमति नहुने र एमाओवादीले विपक्षी दलसँग खेलिरहेको भन्दै अरू विकल्पमा पनि प्रवेश गर्नुपर्ने धारणा उठाएका थिए । तर तत्कालका लागि कांग्रेस नेतृत्व नै स्वाभाविक भएकाले स्थायी समितिले गरेको राष्ट्रिय सहमतिको सरकार बनाउने निर्णय केन्द्रीय समितले अनुमोदन गरेको हो । दलहरूबीच वार्ता र छलफलका क्रममा अरू विकल्पमा जानुपर्ने अवस्था आए त्यही बेलामा निर्णय हुने ज्ञवालीले बताए । 'वार्ता र छलफलमा आवश्यक पर्‍यो भने अरू कुरा पनि आउलान् तर अहिलेचाहिँ कांग्रेस नेतृत्वको राष्ट्रिय सहमतिको सरकार बनाउने कुरामै एमाले अडिन्छ,' नेता ज्ञवालीले भने ।

कार्यविभाजनको विषयमा यसअघि स्थायी समितिले गरेको निर्णयमा केन्द्रीय नेताहरूले मंगलबार पनि असन्तुष्टि व्यक्त गरेका थिए । तर स्थायी समितिमा रहेका नेताहरूले आत्मालोचना र आगामी निर्णयहरू गर्दा पर्याप्त ध्यान दिने बताएपछि कार्यविभाजनसम्बन्धी निर्णय पनि केन्द्रीय समितिले अनुमोदन गरेको छ । केन्द्रीय समिति बैठकमा बुधबारबाट अध्यक्ष झलनाथ खनालले पेस गरेको राजनीतिक प्रस्तावमाथि छलफल सुरु हुनेछ ।

प्रकाशित मिति: २०६९ मंसिर २७ ०८:५१

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper paper - Kantipur Daily 2014-4-23
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

धन्न आपूर्ति सहज भ' र'छ !... दिनभरि लाइन बसेर अलिकति भे नि पाइयो !

विज्ञापन

Radio Kantipur Rakshya Travel
  हाम्रा प्रकाशनहरु :
Our Publication