आरसी-३२ नौ अंकसहित शीर्षमा

यस जितमा विवेक राईले निर्णायक गोल गरे । विवेक सन्तोषीको सुरुआती फ्रि–किकलाई महावीरका गोलरक्षक आशिब राईले राम्रोसँग नियन्त्रणमा लिन सकेनन् र त्यसमै फुत्केको बलमा विवेकले गोल गरेका हुन् ।

हारले महावीर दुई अंकमै सीमित रह्यो । उसले सुरुआती दुई खेल भने बराबरी खेलेको थियो । अर्को खेलमा बागमतीले सामाजिकलाई २–० ले हरायो । यो सफलतापछि उसको छ अंक भएको छ र तेस्रो स्थानमा उक्लेको छ ।

उसका लागि निर्मल बलले सातौं मिनेटमा पहिलो गोल गरेपछि श्याम धिमालले ३४ औं मिनेटमा दोस्रो गोल थपे । सामाजिक भने एकं अंकमा सीमित छ र यो तेस्रो खेलमा उसको दोस्रो हार हो । सामाजिक रेलिगेसनमा क्षेत्रमा पनि रहेको छ ।