७२ घण्टाका लागि भारतसितका नाका बन्द
दार्चुला — भारतसित सीमा नाका जोडिएका नाकाहरू ७२ घण्टाका लागि बन्द गरिएका छन् । भारतमा लोकसभाको निर्वाचन हुने भएपछि सीमा जोडिएका जिल्लाका नाकाहरु बन्द गरिएको हो ।
भारतको उत्तराखण्ड राज्यमा वैशाख ७ गते हुने लोकसभाको निर्वाचनलाई मध्यनजर गरी भारतसित सीमा जोडिएका नाका ७२ घण्टाका लागि बन्द गरिएको जिल्ला प्रशासन कार्यालयले जनाएको छ ।
जिल्ला प्रशासन कार्यालयले शनिबार सूचना जारी गर्दै भारतमा अप्रिल १९ तारिख अर्थात वैशाख ७ गते उत्तराखण्ड राज्यमा निर्वाचन हुँदैछ । उक्त निर्वाचनलाई मध्यनजर गर्दै मंगलबार साँझ ७ देखि वैशाख ७ गते साझ ७ बजेसम्म भारतसित सीमा जोडिएका नाका बन्द गरिएको जनाएको छ ।
जिल्लाका सीमा जोडिएका सदरमुकाम खलंगाको पुलघाट, ब्यास गाउँपालिकाका सीतापुल, माल, मल्घट्टा, तिग्रम, बडूगाउँ, दत्तु, जौलजीवी, बाकु र लालीका नाका ७२ घण्टाका लागि बन्द गरिएका छन् ।
प्रकाशित : वैशाख ४, २०८१ २०:२९