दिगो ग्रुपले जडान गर्यो साझा यातायातमा ११ वटा विद्युतीय गाडी चार्जर
काठमाडौँ — दिगो ग्रुपले साझा यातायातको ४० वटा विद्युतीय गाडीसँगै ११ वटा चार्जर जडान गरेको छ । साझा चार्जिङ डिपो नाम दिएर तयार पारिएको स्टेसन साझा यातायातले यही मंगलबारबाट सञ्चालनमा ल्याएको छ।
साझाले सञ्चालन गर्ने सीएचटीसी ब्रान्डका विद्युतीय गाडी कम्पनीको नेपालको लागि अधिकारिक वितरक दिगो ग्रुप हो । दिगोले विद्युतीय गाडी र चार्जरको विक्रि-वितरण र सर्भिससँगै विद्युतीय गाडी भाडामा दिने र राजमार्गमा रेस्ट स्टपसमेत सञ्चालन गर्ने गरेको छ । योसँगै विद्युतीय गाडीको सम्पूर्ण इकोसिस्टम विकासमा काम गर्ने विज्ञप्तीमा उल्लेख छ । दिगोले भर्खरै सीएचटीसीसँग दिर्घकालिन सम्झौता नवीकरण गरेको छ । अब सीएचटीसी ब्रान्डका माइक्रोबस, मिनिबस तथा बसहरूसमेत नेपाली बजारमा ल्याउने तयारी गरिरहेको जानकारी दिइएको छ । चार्जरको उद्घाटन समारोहमा उपस्थित दिगो ग्रुपका अध्यक्ष्य राजन रायमाझीले साझा यातायातले सफा उर्जाप्रति लिएको कदमले आफू खुशी भएको बताएका थिए ।
प्रकाशित : वैशाख ४, २०८१ १७:५३