काभ्रेको महाभारत–२, गोकुलेका ८२ वर्षीय भाग्यमान साङ्तान, उनका भाइ ८१ वर्षीय गुमानसिंह साङ्तान र ८१ वर्षीया श्रीमती अन्तरीमाया साङ्तान तीनै जना मोतियाविन्दुका कारण ठ्याम्मै देख्दैनथे । उनिहरूका दुवै आँखाले देख्न छोडेको दुई वर्ष भइसकेको थियो । देख्न छोडेपछि उनीहरूको दैनिकी दिनभर पिँढीमा बस्ने, जसले जे दिन्छन्, त्यही खाने र छामछाम–छुमछुम गर्दै शौचालयसम्म जाने मात्रै थियो ।
