सुत्केरी बचाउन सेनाद्वारा हेलिप्याड निर्माण 

भरपर्दो सडक यातायात नभएको शुभकालिका ४, ५ र ६ नं वडालाई पायकपर्ने गरी सुकाटियामा निर्माण भएको हेलिप्याड दैलेखकी संघीय सांसद सीता रानाको प्रमुख आतिथ्यतामा गाउँपालिकालाई हेलिप्याड हस्तान्त्रण गरिएको छ ।

एक महिनाको अवधिमा शमशेर गुल्म मान्मको जनशक्ति परिचालन गरेर हेलिप्याड निर्माण गरेर हस्तान्त्रण गरेको गुल्मपति सेनानी रन्जित कार्कीले बताए । सुकाटियाको डाडो सम्याएर हेलिप्याड बनायौ । उनले भने जटिल अवस्थाका सुत्केरी, विपद्का घाइतेलगायतको उद्धार गर्न सहज हुनेछ । उनले सडकको अवस्था राम्रो नभएको शुभकालिकाबाट आकस्मिकरुपमा घाइते तथा विरामीको उद्धार गर्न हेलिप्याड उपयोगी हुने बताए ।

सेनाले गाउँपालिकाको केन्द्रमा हेलिप्याड निर्माण गरेर हस्तान्त्रण गरेकामा खुशी लागेको पालिका अध्यक्ष गोविन्दप्रसाद आचार्यले बताए । अप्रेशन गर्नुपर्ने खालका सुत्केरी महिला, विपद्‌बाट घाइते भएकालाई हेलिप्याड सहयोगी हुनेछ । उनले भने, 'अस्पताल पुर्‍याउन ढिलाई भएर अब कसैको मृत्यु हुने छैन ।' उनले गाउँपालिकाको अनुरोधलाई स्वीकारेर सेनाले हेलिप्याड बनाइ दिएकोमा धन्यवाद दिँदै हेलिप्याडको उचित संरक्षण, रेखदेख र मर्मर सुधार गाउँपालिकाले गर्ने प्रतिबद्धता जनाए ।

हवाई उद्धारका लागि हेलिप्याड नहुँदा समयमै अस्पताल पुर्‍याउन नसकी अबदेखि कुनै पनि दिदी बहिनीले अकालमा ज्यान गुमाउन नपर्ने गाउापालिका उपाध्यक्ष धर्मकला शाहीले बताइन् । उनकाअनुसार एक वर्षको अवधिमा मात्र शुभकालिकाका ३ जना सुत्केरी महिलाको सदरमुकाम मान्मबाट हवाइ उद्धार गरेर ज्यान बचाइएको छ । स्वास्थ्य संस्था लैजान ढिलाई हुदा गत वर्ष नै भर्ता र छाती गाउका दुई जना महिलाले सुत्केरी हुन नसक्दा अकालमा ज्यान गुमाएका थिए ।

हेलिकोप्टबाट सुत्केरीको उद्धार

सुत्केरी भएको १३ दिनपछि एक सुत्केरी महिलाको हवाई उद्धार गरेर सुर्खेत लगिएको छ । सुत्केरी हुदा जटिल अवस्था आएपछि मान्म ल्याइएकी सान्नीत्रिवेणी ४ की २० वर्षीया लक्ष्मी शाहीलाई थप उपचारको लागि शुक्रवार दिउँसो हेलिकोप्टरबाट सुर्खेत पठाइएको डा. बन्दिता कार्कीले बताइन् । बैशाख ८ गते सुत्केरी भएकी शाहीको स्वास्थ्य अवस्थामा सुधार नआएपछि जिलला अस्पताल मान्म ल्याइए पनि सुधार नहुँदा सुर्खेत पठाइएको हो ।

उनको शरिरमा अक्सिजनको मात्रा न्यून भइ स्वास्थ्य अवस्था जटिल भएपछि हेलिकोप्टररबाट सुर्खेत लगिएको विरामीसँगै गएकी डा. रोशनी प्रजापतिले बताइन् । उनकाअनुसार विरामीको मुटुमा समस्या देखिएकाले सुर्खेत लगिएको हो । यहाका प्रजिअ गणेश नेपालीले राष्टपति महिला उत्थान कार्यक्रमलाई पत्राचार गरेर सुत्केतीको हवाई उद्धार भएको हो ।