वाग्मती प्रदेशको अर्थमन्त्री बन्दै थपलिया

एमाले सांसद एकालाल श्रेष्ठका अनुसार पहिलो चरणमा पार्टीको प्रतिनिधिको रुपमा दलको नेतामात्र सहभागी हुन लागेको बताए । ‘अन्य मन्त्रालयको भागबन्डा र मन्त्रीको विषयमा टुंगो लाग्न बाँकी छ,' उनले भने ।

योसँगै नयाँ गठबन्धनमा आजैबाट एमाले सरकारमा सहभागी हुने भएको हो । नयाँ गठबन्धन बनेसँगै मुख्यमन्त्री जम्कट्टेलले दोस्रो पटक मन्त्रिपरिषद् विस्तार गर्न लागेका हुन् ।

मुख्यमन्त्री तथा मन्त्रिपरिषद्को कार्यालयका अनुसार थपलियाको पद तथा गोपनीयताको शपथ आजै साँझ ५ बजेका लागि तय गरिएको छ । ‘मुख्यमन्त्री काठमाडौं भएका कारण शपथ ढिलो राखिएको हो,’ मुख्यमन्त्री स्रोतले भन्यो ।

यसअघि गत २६ पुस २०७९ मा पनि मुख्यमन्त्री जम्कट्टेलले थपलियालाई अर्थमन्त्री नियुक्त गरेका थिए ।