लुम्बिनी अन्तर्राष्ट्रिय पिस म्याराथन चैत २४ मा

पिस म्याराथन दौडमा पुरुष म्याराथनका साथै महिला हाफ म्याराथन, पुरुष र महिला ५ किमि खुला दौड तथा छात्रछात्रा ५ किमि दौड पनि समावेश छ । म्याराथनतर्फ शीर्ष १० मा रहने खेलाडीले नगद पुरस्कार पाउनेछन् । विजेताले ५ लाख, दोस्रोले तीन लाख र तेस्रो हुनेले २ लाख रुपैयाँ जित्नेछन् । चौथोले एक लाख, पाँचौंले ८० हजार र छैटौंले ६० हजार रुपैयाँ पाउनेछन् ।

महिला हाफ म्याराथनतर्फ विजेताले २ लाख, दोस्रोले १ लाख ६० हजार र तेस्रोले १ लाख २० हजार रुपैयाँ जित्नेछन् । ५ किलोमिटर खुला दौडका शीर्ष तीन स्थानका विजेताले क्रमशः १५ हजार, १० हजार र ५ हजार रुपैयाँ पाउनेछन् ।

५ किलोमिटर छात्रछात्रा दौडका शीर्ष तीन स्थानका विजेताले १५ हजार, १० हजार र ५ हजार रुपैयाँको पुरस्कार व्यवस्था गरिएको छ । फेस्टिभल र पिस म्याराथन दौड नेपाल पर्यटन बोर्ड, नेपालस्थित चिनियाँ राजदूतावास, लुम्बिनी विकास कोष, नेपाल ओलम्पिक कमिटी र लुम्बिनी खेलकुद परिषद्को संयुक्त आयोजनामा हुन लागेको हो ।