लागूऔषधसहित दुई जना पक्राउ

वैशाख १३, २०८१कमल पन्थी

बर्दिया — प्रहरीले मधुवन नगरपालिका–७ स्थित लोकबहादुर भण्डारीको घरमा लागूऔषध बिक्री भइरहेको सूचनाका आधारमा खानतलासी गर्दा ३ सय ४० ग्राम ब्राउन सुगर फेला पारेको छ ।

जिल्ला प्रहरी कार्यालय,बर्दियाका सूचना अधिकारी डीएसपी तुल्सीराम अर्यालले मंगलबार राति २१ वर्षीय भण्डारी र २१ वर्षीय सागर आलेलाई नियन्त्रणमा लिएको बताए । इलाका प्रहरी कार्यालय ढोढरीले यस घटनाबारे अनुसन्धान गरिरहेको छ ।