हलेसी तुवाचुङमा डढेलोले ६ घर जल्यो

खोटाङ — डढेलोबाट सल्किएको आगोले ६ घर जलेर नष्ट भएको छ । शुक्रबार दिउँसो हलेसी तुवाचुङ नगरपालिका–९ सल्लेस्थित सल्लेपोखरी पाखा सामुदायिक वनबाट सल्किएको आगोले स्थानीय मदनकुमार थापा, खगेन्द्र विश्वकर्मा, गोपालबहादुर थापा, इन्द्रबहादुर थापा, झनबहादुर थापा र भेषबहादुर रानाको घर जलेर नष्ट भएको हो ।

योगबहादुर रानाको मतान पनि जलेर नष्ट भएको छ । डढेलोले घर जलेको जानकारी आउनासाथ इलाका प्रहरी हलेसी र अर्खौलेस्थित प्रहरी चौकीको टोली खटाइएको प्रहरी नायव उपरीक्षक पुरुषोत्तम खड्काले बताए । क्षति विवरण भने आउन बाँकी रहेको डीएसपी खड्काले बताए ।

प्रकाशित : वैशाख १४, २०८१ २१:२६

प्रतिक्रिया

पठाउनुहोस्