अनुसन्धानमा कैफियत देखिए लामिछानेलाई कारबाही गर्न कसैले रोक्न सक्दैन : प्रधानमन्त्री

कांग्रेसले संसद्मा उठाएको प्रश्नको जवाफ दिने क्रममा प्रधानमन्त्री दाहालले प्रतिनिधिसभाको मंगलबारको बैठकमा प्रधानमन्त्रीले लामिछानेको विषयलाई राजनीतिकरण नगर्न पनि आग्रह गरेका थिए । 'सुशासन कायम गर्ने सम्बन्धमा कुनै सम्झौता गर्दैन । आफ्नो र अरुको पार्टी भन्नेमा कुनै फरक गर्दैन,' लामिछानेबारे प्रधानमन्त्रीले भने, 'सहकारीको मुद्दा बुझाइसक्दासम्म उहाँको नाम केही छैन । अनुसन्धानबाट कैफियत देखिएमा उहाँलाई कारबाही गर्ने कुरामा पनि कसैले रोक्न सक्ने छैन ।'

प्रधानमन्त्री दाहालले उजुरी पर्दैमा राजीनामा गर्ने सहमति गर्न सकिन्छ त ? भनेर कांग्रेसलाई प्रश्न गरेका थिए । 'ठाडो उजुरी दिनासाथ राजीनामा दिने सहमति गर्न सक्छौं त ?,' उनले भने ।

लामिछानेको नाममा ती सहकारीबाट लिएको ऋण फर्च्छ्यौट भइसकेको कुरा आफूलाई जानकारी रहेको पनि प्रधानमन्त्रीले बताए । माओवादी र कांग्रेसको सरकार हुँदाताका नै लामिछानेको नामको ऋण फर्छ्यौट भइसकेको दाहालले जानकारी दिएका हुन् ।