उत्कृष्ट होमस्टेलाई शनिबार पर्यटनमन्त्रीले पुरस्कृत गर्ने

समितिका अध्यक्ष सुरेशराज जोशीका अनुसार, संस्कृति, पर्यटन तथा नागरिक उड्डयनमन्त्री हितबहादुर तामाङले चारवटा होमस्टेलाई शनिबार पुरस्कृत गर्ने भएका हुन् । समितिका अनुसार १ लाख रुपैयाँको उत्कृष्ट होमस्टे पुरस्कार धनकुटाको नाम्जे थुम्की सामुदायिक होमस्टे र अयोध्यापुरी मध्यवर्ती सामुदायिक हामेस्टे चितवनलाई प्रदान गरिने निर्णय भएको छ ।

त्यस्तै ७५ हजार रुपैयाँ राशिको दोस्रो पुरस्कार श्री अन्तुडाँडा सामुदायिक होमस्टे, सूर्योदय नगरपालिका इलाम र ५० हजार राशिको पोखरा महानगरस्थित कालाबाङ घरेडी सामुदायिक होमस्टेलाई प्रदान गरिने भएको छ ।