Kantipur-qatar

Kantipur

मिति | आईतवार, २०७१ कार्तिक ९     Login | Register | Issue No. 284
मिसमास»

स्वदेश फिर्ती अभियानमा सहभागिता कम

युएई, माघ ४ -
युएईको सरकारले दिएको आममाफी प्रक्रियामा कम नेपालीले सहभागी जनाएको नेपाली दूतावासले जनाएको छ । युएई सरकारले डिसेम्बर ४ देखि   फेब्रुअरी ४ सम्मको लागि अवैध रूपमा कार्यरत विदेशी कामदारलाई स्वदेश फिर्न आममाफी दिएको थियो ।

युएईमा भिसाको म्याद गुजारी अवैधानिक बसोबास गरिरहेका विदेशी नागरिकलाई स्वदेश जान चाहेमा युएई सरकारले लिने अतिरिक्त रकम नलिने र पुनः युएई आउन  चाहेमा भिसा लगाई आउन सक्ने बताएको छ ।

युएई सरकारको यो कार्यक्रममा थोरै मात्र नेपाली सहभागी हुन सक्ने अहिलेसम्मको आँकडाले देखाएको राजदूत धनन्झय झाले बताए । युएईमा यति नै संख्यामा नेपालीको अवैधानिक रूपमा बसोबास रहेको निश्चित तत्यांक नभए पनि नेपाली दूतावासको अनुमानमा १० हजारको हाराहारी कार्यरत छन् । जसमा २०० हाराहारीमा मात्र नेपालीले यो अवसरको सदुपयोग गरेको झाले बताए । राजदूत झाले यस कार्यको सहयोगको लागि दूतावासले कुनै संस्था व्यक्तिलाई आधिकारिकता नदिएको बताए । 'तर हामी युएईमा रहेका जो कोही नेपालीको यस कार्यका लागि अधिकार रहेको छ,' उनले भने ।  झाले यो अवसर गुमेमा अवैधानिक बसोबास गरेका व्यक्तिलाई युएई सरकारले कडा कारबाही गर्ने  बताए । 'कारबाहीमा पर्नुभन्दा आफै सचेत भएर अवसरको सदुपयोग गर्न अवैधानिक बसोबास गरिरहेका नेपालीलाई आग्रह गर्छु,' उनले भने ।

यसैबीच नेपाल सरकारले भिजिट भिसामा युएई आउन बन्द गरेको जानकारी गराउँदै राजदूत झाले सरकारको मातहतमा रहेको दूतावासले सरकारको निर्णयलाई मान्नुको विकल्प नरहेको बताए । दूतावासले युएईमा आफन्त रहेका व्यक्तिलाई भिजिट भिसा दिन सरकारसँग अनुरोध गरिएको झाले बताएका छन् ।      - त्रिलोचन कोइराला

 

प्रकाशित मिति: २०७१ कार्तिक ९ ०५:३०
Today's Paper
The Kantipur in Print

FROM THE PAST 7 DAYS

ENTER / SELECT DATE


e.g. 2001-04-01 (yyyy-mm-dd)


अविन

लाइन काटेर आ' !... केटा'रू द्यौसी भट्याउदैथे, 'झिलिमिली झिलिमिली' भन्दै लाइनै काट्दें !
  हाम्रा प्रकाशनहरु :
Our Publication