थुनामा रहेका एमाले नेता रायमाझी अस्पतालबाट डिस्चार्ज
काठमाडौँ — नक्कली भुटानी शरणार्थी प्रकरणमा पुर्पक्षका लागि थुनामा रहँदै स्वास्थ्यमा समस्या देखिएपछि अस्पताल भर्ना भएका एमाले नेता टोपबहादुर रायमाझी डिस्चार्ज भएका छन् ।
थुनामा रहँदा रिंगटा लागेर रक्तचाप कम हुने समस्या देखिएपछि बुधबार राति त्रिवि शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टर भर्ना गरिएका रायमाझीलाई शुक्रबार साँझ डिस्चार्ज गरिएको हो । अस्पतालका प्रमुख डा. रत्नमणि गजुरेलले रायमाझीको सबै समस्याको जाँच सकिएको र अस्पताल राख्नुपर्ने नदेखिएपछि डिस्चार्ज गरिएको बताए ।
अस्पतालका अनुसार रायमाझीको मुटुको चालमा समेत गडबडी देखिएको थियो । उनको उपचारमा मुटुरोग विशेषज्ञ डा. चन्द्रमणि पौडेललगायत सामेल थिए ।
प्रकाशित : चैत्र १६, २०८० २१:१९प्रतिक्रिया