थुनामा रहेका एमाले नेता रायमाझी अस्पतालबाट डिस्चार्ज

थुनामा रहँदा रिंगटा लागेर रक्तचाप कम हुने समस्या देखिएपछि बुधबार राति त्रिवि शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टर भर्ना गरिएका रायमाझीलाई शुक्रबार साँझ डिस्चार्ज गरिएको हो । अस्पतालका प्रमुख डा. रत्नमणि गजुरेलले रायमाझीको सबै समस्याको जाँच सकिएको र अस्पताल राख्नुपर्ने नदेखिएपछि डिस्चार्ज गरिएको बताए ।

अस्पतालका अनुसार रायमाझीको मुटुको चालमा समेत गडबडी देखिएको थियो । उनको उपचारमा मुटुरोग विशेषज्ञ डा. चन्द्रमणि पौडेललगायत सामेल थिए ।