कालीकोटमा जिप दुर्घटना : १२ जना घाइते

वैशाख २८, २०८१तुलाराम पाण्डे

कालीकोट — कर्णाली करिडोरअन्तर्गत पचाझरना–८ सिजाबगरमा गए राति जिप दुर्घटना हुँदा १२ जना घाइते भएका छन् । सान्नीत्रिवेणी–३ मानेगडाबाट पलाता गाउपालिकाको घाटचौरतर्फ जाँदै गरेको ग ३ च ६५०६ नम्बरको जिप बिहीबार राति १० बजे दुर्घटना हुँदा पतालाका स्थानीय घाइते भएका हुन् ।

घाइतेमध्ये ६ जनालाई थप उपचारका लागि कालीकोट जिल्ला अस्पताल मान्मले शुक्रबार बिहान सुर्खेत रिफर गरेको छ । जिप सडकबाट ५० मिटर तल भीरमा अडकिएको प्रहरीले जनाएको छ ।