आगलागीमा १५ घर जल्यो, २ करोड रुपैयाँभन्दा बढीको क्षति
काभ्रे — जिल्लाको रोशी गाउँपालिका-४ स्थित महादेव सामुदायिक वनमा लागेको आगो बस्तीमा पस्दा १५ वटा घर जलेर नष्ट भएको जिल्ला प्रहरी कार्यालय काभ्रेले जनाएको छ ।
मंगलबार दिउँसो साढे ३ बजेबाट वनमा लागेको आगो वन नजिकै रहेको महादेवटार सानोकोटा गाउँको बस्तीमा पगेको थियो । आगलागीमा १५ वटा घर जलेर नष्ट भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राज कुमार श्रेष्ठले जानकारी दिए ।
उनका अनुसार आगलागीमा मानवीय तथा पशुको क्षति भएको छैन । आगलागीमा पेरर १५ वटा घर जली नष्ट हुदाँ २ करोड २५ लाख ८० हजार रुपैयाँभन्दा बढीको क्षति भएको जानकारी प्राप्त भएको छ । जिल्लास्थित सुरक्षा निकाय, जनप्रतिनिधि, स्थानीयको प्रयासमा आगो नियन्त्रणमा आएको उनले जानकारी दिए ।
प्रतिक्रिया