बझाङमा पनि मतगणना सुरु

साइपाल गाउँपालिकाका विभिन्न मतदान केन्द्रको मतपेटिका आइतबार बिहान हेलिकप्टरमार्फत् सदरमुकाम ल्यायएको थियो । मतपेटिका स‌ंकलन भइसकेपछि सर्वदलीय बैठक गरेर केहीबेर अघि देखि मतगणना सुरु भएको हो ।

मुख्य निर्वाचन अधिकृत सुदर्शन लामिछानेका अनुसार सर्वदलीय बैठकले मतगणनाको आचारसंहिता तयार गरेसँगै मतगणना सुरु भएको हो । छविसपाथिभेरा गाउँपालिकाबाट मतगणना सुरू भएकाे हो । एकै पटक दुई ठाउँमा मतगणना भइरहेकाे छ। शनिबार भएको उपनिर्वाचनमा यहाँ ४९.१२ प्रतिशत अर्थात् ३० हजार ३२८ मत खसेको थियो ।

अहिले छविसपाथिभेरा गाउँपालिका १ र २ को मतगणना भइरहेको छ । यहाँ प्रदेशसभा सदस्यका लागि विभिन्न राजनीतिक दलका ११ उम्मेदवार प्रतिस्पर्धामा छन् ।