एथलेटिक्स टोली दुबईतर्फ
काठमाडौँ — एसियाली यु–२० एथलेटिक्स च्याम्पियनसिपमा सहभागी हुन ४ खेलाडीसहित ५ सदस्यीय नेपाली टोली सोमबार दुबई जाँदै छ । वैशाख १२ देखि १५ गतेसम्म हुने प्रतियोगितामा ३ पुरुष र १ महिला गरी ४ खेलाडीले नेपालबाट प्रतिस्पर्धा गर्नेछन् ।
पुरुषतर्फ ८ सय र १ हजार ५ सय मिटर दौडमा बादल कार्की, १ सय र २ सय मिटर दौडमा आदेशकुमार यादव तथा १ हजार ५ सय र ३ हजार मिटर दौडमा अजय विकले प्रतिस्पर्धा गर्नेछन् । महिला १ हजार ५ सय र ३ हजार मिटर दौडमा कल्पना बुढा सहभागी हुनेछिन् । चारै खेलाडी बिहीबार सम्पन्न १४ औं राष्ट्रपति रनिङ सिल्डका पदक विजेता हुन् ।
प्रशिक्षक एथलेटिक्सकी मुख्य प्रशिक्षक कान्ति महतो रहेकी छन् । टोलीलाई राखेपका सदस्य–सचिव टंकलाल घिसिङले आइतबार बिदाइ गरे ।
प्रकाशित : वैशाख १०, २०८१ ०६:२७प्रतिक्रिया