महादेवाको आगो निभाउन सेना र सशस्त्र प्रहरी खटाइयो
सप्तरी — सप्तरीको महादेवा गाउँपालिका-१ को बस्तीमा लागेको भीषण आगो निभाउन नेपाली सेना र सशस्त्र प्रहरीसमेत खटाइएको छ ।
स्थानीय र नेपाल प्रहरीको टोलीले आगो निभाउन नसकेपछि स्थानीय प्रशासनले सेना र सशस्त्र प्रहरीलाई पनि खटाएको हो । आगो निभाउन ३ वटा बारुणयन्त्र प्रयोग गरिएको छ ।
मंगलबार दिउँसोदेखि लागेको आगलागीबाट सय परिवारका २ सयभन्दा बढी घर, टहरा जलिसकेको वडाध्यक्ष जयकिशोर दासले जानकारी दिए । उनका अनुसार आगलागीबाट केही पशुचौपायासमेत मरेका छन् ।
अहिले नै क्षतिको विवरण आइनसकेको वडाध्यक्ष दासले बताए ।
प्रतिक्रिया