फोनपे पेमेन्टको ‘डोमेस्टिक क्रेडिट कार्ड’ सुरु
काठमाडौँ — फोनपे पेमेन्ट सर्झिस लिमिटेडले डोमेस्टिक क्रेडिट कार्ड सञ्जालको सुरुवात गरेको छ । सिटिजन्स बैंक इन्टरनेसनलसँगको सहकार्यमा फोनपे पेमेन्ट सर्भिस पूर्णरुपमा डिजिटल क्रेडिट कार्डको सुरुआत गरेको हो ।
मुलुकको पहिलो डोमेस्टिक क्रेडिट कार्ड सञ्जालको सुरु भएको कम्पनीको दाबी छ । मुलुकका बैंक तथा वित्तीय संस्थाहरुले आफ्नो ग्राहकलाई फोनपे कार्ड स्किमअर्न्तगत रही पूर्णरुपको डिजिटल क्रेडिट कार्ड आफ्नो मोबाइल बैंकिङ एप मार्फत उपलब्ध गराउनेछ ।
सिटिजन्स बैंक इन्टरनेसनल लिमिटेड यस्तो कार्ड जारी गर्ने नेपालको पहिलो बैंक भएको दाबी छ । बैंकका ग्राहकहरुले यस क्रेडिट कार्डको सुविधा सिटिजन्स बैंकको मोबाइल बैंकिङ एप मार्फत लिन सक्नेछ ।
प्रकाशित : वैशाख ११, २०८१ १३:३२प्रतिक्रिया