जसपा सरकारमा प्रवेश, प्रदीप यादव बने स्वास्थ्यमन्त्री

नवगठित जनता समाजवादी पार्टीका उपमहासचिव समेत रहेका सांसद प्रदीप यादवले स्वास्थ्य तथा जनसंख्यामन्त्रीको सपथ लिएका छन् । मन्त्री यादवलाई राष्ट्रपति रामचन्द्र पौडेलले पद तथा गोपनीयताको सपथ गराएका छन् । उनीसँगै राज्यमन्त्रीमा जसपाकी हसिना खानले राज्यमन्त्रीको शपथ लिएकी छन् ।

माधव नेपालको राजनीतिक प्रतिवेदनमा सरकारको स्थिरतामाथि प्रश्न

एकीकृत समाजवादी अध्यक्ष माधवकुमार नेपालले प्रतिनिधिसभा र प्रदेश सभामा त्रिसङ्कु भएकाले सरकारको स्थिरतामाथि प्रश्न उठेको बताएका छन् । सत्ता समीकरणका प्रमुख नेता प्रधानमन्त्री पुष्पकमल दाहाल र एमाले अध्यक्ष केपी शर्मा ओलीप्रति असन्तुष्टि व्यक्त गर्दै आएका नेपालले राजनीतिक प्रतिवेदनमा यो आशंका गरेका हुन् ।