२३ करोड ऋणमा लामिछानेको हस्ताक्षरसहित लेखापरीक्षण प्रतिवेदन

उपप्रधान तथा गृहमन्त्री रवि लामिछानेले गोर्खा मिडिया नेटवर्कमा विभिन्न सहकारीबाट आएको ऋणबारे आफूलाई कुनै जानकारी नभएको र त्यसप्रति आफ्नो उत्तरदायी नहुने दाबी संसद्मा पनि दोहोर्‍याएका छन् । उनले ऋण प्रमाणित हुने कुनै कागजमा हस्ताक्षर भए देखाउन चुनौती पनि दिएका छन् ।

छानबिन समिति अझै अनिश्चित

सहकारीको बचत अपचलन प्रकरणमा संसदीय छानबिन समितिको क्षेत्राधिकार तोक्न आइतबार बसेको कार्यदलको बैठक सहमतिमा नपुगी टुंगिएको छ । कार्यदलले क्षेत्राधिकार टुंगो लगाउन नसक्दा समिति गठन पनि अनिश्चित बनेको छ ।

अतिक्रमण गरेर बनाइएका ५१ घर–टहरा भत्काइए

काठमाडौं महानगरपालिकाले सडक अतिक्रमण गरेर बनाइएका ५१ वटा घर–टहरा, सटर र पर्खाल भत्काएको छ । आइतबार दिउँसो डोजर लगाएर गौशाला र वाग्मती करिडोरको तीनकुनेमा बनाइएका त्यस्ता संरचना भत्काएको हो ।

बालविकास शिक्षा सुधार्न माइतीघरमा उभिएरै दबाब

प्रारम्भिक बालविकास शिक्षा (ईसीडी) सुधारको माग गर्दै नेपाल समाजवादी विद्यार्थी युनियनका अध्यक्ष नेत्र चापागाईं दैनिक ८ घण्टा उभिइरहेका छन् । काठमाडौंको माइतीघर मण्डलामा उनी पाँच दिनदेखि उभिइरहेका हुन् । आइतबार पनि बिहान १० देखि ५ बजेसम्म उनी उभिएका थिए ।

दुई महिनादेखि किसान कृषि बिमाबाट वञ्चित

कृषि क्षेत्रको उत्पादन, उत्पादकत्व वृद्धि र व्यवसायीकरण गर्ने सरकारको योजना भए पनि पछिल्लो दुई महिनायता किसानले कृषि बिमा गर्न पाएका छैनन् । सरकारले कृषि बिमा शुल्कमा अनुदानबापतको भुक्तानी नदिँदा गत चैतयता बिमा कम्पनीहरूले कृषि बिमालेख बिक्री रोकेका छन् । त्यसयता न किसानले कृषि बिमा गर्न पाएका छन् न बिमाको दाबी भुक्तानी नै ।

चेम्बरले सार्वजनिक गर्‍यो तीनवर्षे रणनीतिक योजना

नेपाल चेम्बर अफ कमर्सका अध्यक्ष कमलेश अग्रवाल नेतृत्वको नयाँ कार्यसमितिले वार्षिक निर्यात क्षमता १० खर्ब रुपैयाँ पुर्‍याउने गरी रणनीतिक योजना तर्जुमा गरेको छ । चेम्बरले आइतबार आयोजना गरेको कार्यक्रममा रणनीतिक सुधार योजना, राजस्वमा नीतिगत सुधार, वित्तीय व्यवस्थापन र कृषिको उत्पादन वृद्धि एवं आत्मनिर्भर अर्थतन्त्रको निर्माणका लागि ४९ बुँदे कार्ययोजना सार्वजनिक गरेको हो ।

उष्ण तापमा कोही किन पैदल राजधानी धाइरहेको छ ?

तराईमा हरेक दिन तापक्रम बढेको खबर आइरहेको छ, तापक्रम ४२ डिग्री सेन्टिग्रेडबाट पनि उकालो लाग्दा जनजीवन अत्यासलाग्दो भएको छ । तर, यही उखरमाउलो गर्मीको परवाह नगरी मधेशका २२ जना पैदलै काठमाडौंतिर लम्किरहेका छन्, जसमा धेरैजसो महिला छन् । चुरे अतिक्रमण, वन विनाश, अवैज्ञानिक विकास प्रणाली, नदी–खोलाको अनियन्त्रित दोहनका ‘जार्गन’ बाट अन्जान यी सर्वसाधारण जलवायु परिवर्तनका मुख्य प्रभावित समुदायका सदस्य हुन् ।