नयाँ वर्षमा नृत्य प्रतियोगिता

कोही एउटा आँखा चिम्लिएर तीर हान्दै थिए त कोही छेलो हान्ने, बुद्धिचाल खेल र कोही नृत्य प्रतियोगितामा  रमाइरहेका थिए।

दृश्य हो सोमबार मोरङ पथरीमा आयोजित यले संवत्को नयाँ वर्ष ५०७३ को अवसरमा भएको सांस्कृतिक तथा खेलकुद  कार्यक्रमको। पथरीमा स्थापित इन्द्रेणी युवा क्लब र मिरमिरे साहित्य परिवारले संयुक्त रूपमा खेलकुद तथा मनोरञ्जनात्मक  कार्यक्रमको आयोजना गरी नयाँ वर्ष तथा मकर संक्रान्ति मनाएका हुन्।

नृत्य प्रतियोगितामा 'फूल मञ्जरीलाई...' गीतमा नाच्ने कृष्ण लक्सम लिम्बू प्रथम भए। 'वारि जमुना पारि जमुना....' गीतमा  नाचेर एल.डी. राई दोस्रो, सदर बाल क्लब शनिश्चरे तेस्रो र शामना शेर्माले सान्त्वना पुरस्कार जिते।

विभिन्न कलाकारले गीत समेत प्रस्तुत गरेको उक्त कार्यक्रममा आर्चरी (तीर हान्ने)मा हरी आङ्देम्बे, छेलोमा सुक्र लिम्बू  प्रथम भए। बुद्धिचाल प्रतियोगितामा अमर लिम्बू प्रथम, रोहित लिम्बू दोस्रो र विजय मगर तेस्रो भए।

प्रचार/पृष्ठसंकेत/मूल्याङ्कन