रेनु विष्ट केसी, गायिका

सांगीतिक रूपमा कत्तिको सक्रिय हुनुहुन्छ ?

भर्खरै दोस्रो एकल एल्बम 'अन्तरध्वनि' श्रोतामाझ ल्याएकाले सांगीतिक व्यस्तता बढेको छ। काठमाडौंबाहिर आयोजना भैरहेका  महोत्सवहरूमा पनि व्यस्त छु।

'अन्तरध्वनि' मा कस्ता गीत छन् ?

'पहिलो पाइला' शीर्षकको मेरो पहिलो एल्बम सार्वजनिक भएको करिब दुई वर्षपछि श्रोतामाझ आएको यो एल्बममा आधुनिक  तथा गजल शैलीका गीत छन्।

श्रोताले कस्ता गीत मन पराएका छन् ?

एल्बमका तीनवटा गीत लोकप्रिय भएका छन्। गजल शैलीको 'फेरि एक हुन मिल्छ र प्रिय', आधुनिक शैलीको 'तिमी जहाँ भए  पनि' तथा नृत्य गर्न मिल्ने शैलीको 'छम छम...' लोकप्रिय भएका छन्।

गायकलाई भन्दा गायिकालाई सांगीतिक क्षेत्रमा गाह्रो छ भनिन्छ नि ?

त्यसो त अहिले सांगीतिक क्षेत्रमा टिकिरहन सबैलाई गाह्रो छ। हामी जस्ता विवाहित महिलालाई त निरन्तरता दिइरहनसमेत  गाह्रो छ। एल्बमको बिक्री ठप्प हुँदा सांगीतिक कार्यक्रममा मात्र भर पर्नुपर्ने स्थिति छ।

गायन तपाईंको सौख कि करियर ?

सुरुमा त यो एउटा सौख मात्र थियो। प्रकाश गुरुङ र गुरुदेव कामतसँग संगीतको प्रशिक्षण लिएर दुईवटा एल्बम सार्वजनिक  गरिसकेपछि अब यसलाई करियरकै रूपमा अँगालेकी छु। हरेक दुई वर्षको अन्तरालमा नयाँ एल्बम सार्वजनिक गर्ने योजना  बनाएकी छु।

प्रचार/पृष्ठसंकेत/मूल्याङ्कन