कथा मानवीरेको

पानी छोएको निहुँमा निर्घात कुटाइ खाएकी दलित युवतीको विषयमा गाउँमा छलफल डाकिन्छ। छलफलमा गाउँमै मुद्दा  मिलाउने तयारी भैरहेको अवस्थामा प्रहरी पुग्छन्। घटनाको छिनोफानो अदालतबाट गर्ने भन्दै संलग्न मुखिया र मुखियानीलाई  प्रहरीले लैजान्छ। जातीय विभेद र छुवाछूतविरुद्ध जागरण ल्याउने उद्देश्यले इलामको चेतना नाट्य समूहले निर्माण गरेको  चलचित्र 'कथा मानवीरेको' को सार्वजनिक प्रदर्शन गत शुक्रबारदेखि प्रारम्भ भएको छ। ज्ञानेन्द्र रसाइलीद्वारा निर्देशित यो  चलचित्रमा देशमा घटिरहेका जातीय विभेदका घटनावस्तुहरू समेटिएको छ। चलचित्रबाट आम्दानी लिनेभन्दा पनि विभेद  उन्मूलनका लागि चेतना विस्तार गर्ने अभियान भएको निर्देशक रसाइली बताउँछन्। चलचित्रमा अञ्जली दास, ईश्वरी तामाङ,  हर्क रेश्मी, मनकुमार वराइली, सि्रष्टता चेम्जोङ, सुवास लुइँटेल, सुस्मिता लामा, प्रकाश परियार आदि कलाकारले अभिनय  गरेका छन्।

प्रचार/पृष्ठसंकेत/मूल्याङ्कन