जम्का भेट

गृहपृष्ठ » » जम्का भेट » लेखहरु »

इन्दिरा जोशी (गायिका)

हेर्दा नायिकाजस्ती भए पनि उनी गायिका हुन् र गायिकाको परिचयमै सन्तुष्ट छिन्। उनी स्टेजमा देखिँदा स्टेज मात्र होइन,  दर्शकहरूको मुटुको धड्कन पनि उत्तिकै हल्लिन्छ। स्टेज जमाउने यी गायिका हुन्- इन्दिरा जोशी। इन्दिरा उमेरले आफूलाई  कलिलै मान्छिन्। इन्दिराका अनुसार उनले गर्नुपर्ने यात्रा निकै लामो छ। उनमा आफूलाई भर्सटाइल सिंगरका रूपमा चिनाउने  महत्वाकांक्षा छ। पप, फिचरिङ तथा रिमिक्समा त उनी जमेकी छन् नै, अब सुगम र लोक गायनमा पनि आफूलाई उत्तिकै  सक्षम देखाउने चाहना राख्छिन्। नेपाली संगीतको रियालिटी शो नेपाली ताराको पहिलो संस्करणमा सर्वोत्कृष्ट महिला गायिका  भएकी इन्दिरा पछिल्ला दिनमा देशविदेशमा आफ्नो सांगीतिक प्रस्तुति दिन व्यस्त छिन्। इन्दिरा स्टेजमा गाउँदै आफू त  नाच्छिन् नै, अरूलाई पनि उत्तिकै नचाउँछिन्। इन्दिरासँग विदुर खतिवडाको जम्काभेटः

खुबै व्यस्त हुनुहुन्छ नि होइन ?

श्रोता-दर्शकको मायाका कारण व्यस्त नै छु। भर्खरै मात्र युरोपका स्वीट्जरल्यान्ड, फ्रान्स, बेल्जियम, जर्मनी आदिमा राजेश दाई  (राजेश पायल राई) का साथमा कार्यक्रममा सहभागी भएर फर्किए। त्यसअघि कतार, कोरिया तथा अस्ट्रेलिया गएकी थिए।  युरोपमै छँदा अन्य दुई राष्ट्रका कार्यक्रमका लागि बुक भएकि छु। यसबाहेक स्वदेशका थुप्रै महोत्सवमा पनि जाँदैछु।

युरोप भ्रमण पहिलो हो ?

हो, पहिलो भ्रमण भएकाले पनि युरोप यात्रा रमाइलै भयो। दुनियाँको सातौं आश्चर्यमा पर्ने आइफल टावर चढें, सबैभन्दा धेरै  पर्यटक पुग्ने भेनिस गए। आँखैअगाडि स्नोफल देख्दा उत्तिकै रमाए। हिँड्दा-हिँड्दै हिउँ परिरहेको दृश्य साँच्चै लोभलाग्दो थियो।  जाडो भए पनि युरोपको त्यो सौन्दर्य गजबको थियो। स्वीट्जरल्यान्ड उत्तिकै मनमोहक, जहाँ गयो त्यहीँ रमाइलो। अब फेरि  युरोप जाने योजनामा छु। त्यहाँ गएर क्राउडमा गीत गाउने चाहना छ।

युरोप टुर कस्तो रह्यो त ?

सबैले भन्ने उत्तरलाई पछ्याउने हो भने हाम्रो सोहरू एकदमै सफल भए, आर्थिक रूपमा पनि राम्रै भयो तर सत्य कुरा, त्यहाँको प्रोगाममा जाँदा म छक्क परें। हजारौं दर्शक स्रोताको भीडमा गाउने बानी थियो, त्यहाँ त केही सय दर्शक स्रोता आउँदै  सो हाउसफूल भएको भनियो, त्यहाँ दर्शक आउने रेसियो त्यही नै रहेछ, क्राउडमा मात्र पर्फम गर्दै गाउने बानी, कम  मानिसमा खुलेर गाउन असहज लाग्यो। समग्रमा युरोप टुर रमाइलो भयो।

विदेशको कार्यक्रम कि स्वदेशको ?

सुरुमा त स्वदेशमै चल्नुपर्छ। मेरो अनुभवमा कार्यक्रम पनि स्वदेशमा धेरै पाइयो भने मात्र विदेशमा पनि पाइने हो। खै किन  हो मलाई त स्वदेशकै कार्यक्रममा मज्जा लाग्छ। पहिलो कुरा यहाँ मास क्राउडमा पर्फर्म गर्न मज्जा हुन्छ। अझ महोत्सवको  समयमा हेर्ने हो भनें नेपाल नै ठीक। प्रबासमा बसेका नेपाली दाजुभाइहरूसँग भेट्न पाइने आधारमा विदेशमा पनि रमाइलै  हुन्छ। विदेशमा पैसा धेरै हुन्छ, नयाँ ठाउँ घुम्न पाइन्छ तर लामो उडानले चाहिँ वाक्क नै बनाइसकेको छ।

तपाईंको प्रतिकृया

कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ अर्को क्याप्चा प्राप्त गर्नुहोस् ]

प्रचार/पृष्ठसंकेत/मूल्याङ्कन

Bookmark and Share

Bookmark

यस अंकका मुख्य लेखहरू

मिस नेपालमा १९ जना

अघिल्लो वर्षकी मिस नेपाल इशानी श्रेष्ठले मिस वल्र्ड-२०१३ मा पाएको...

पूरा लेख »
काठमाडौंमा सन्नी लियोनको ठुम्का

करिब एक महिनाअघि काठमाडौंको भ्रमण गरेर धेरैको ध्यान आकषिर्त गर्न...

पूरा लेख »
हामी कामदार मात्र हौं, आरोही होइनौं

'हिमालहरूको हिमाल', 'ज्यानमारा हिमाल' जस्ता थुप्रै उपमा दिइएको छ...

पूरा लेख »
 
epaper-logo

यस अंकको स्तम्भहरू

सबै हेर्नुहोस् » सबै हेर्नुहोस् »

यो पनि पढ्नुहोस्

विज्ञापन


हाम्रा प्रकाशनहरु :