धरानमा सडक महोत्सव

विभिन्न जातीय परिकारको प्रवर्द्धनका लागि फोर्थ डाइमेन्सन ईभेन्ट धरानले धरान-१८ स्थित इन्द्रेणी मार्गमा शनिबारदेखि सडक महोत्सव सुरु  गरेको छ। बीपी कोइराला स्वास्थ्य विज्ञान प्रतिष्ठानको प्रवेशद्वारछेउको सुन्दर बजार हुँदै डिपो उच्च माविको प्रवेशद्वारसम्मको सडक क्षेत्रमा  महोत्सव प्रारम्भ भएको यो महोत्सवले आन्तरिक तथा बाह्य पर्यटकहरूलाई आकषिर्त गर्ने अपेक्षा गरिएको छ।

महोत्सवका स्टलहरूमा राखिएका जातीय परिकारहरूले बहुजातीय सांस्कृतिक सहर धरानको महत्वलाई अझ प्रभावकारी बनाउन मद्दत  पुर्‍याउने आयोजकहरूको दाबी छ। महोत्सवको आयोजना नाफा कमाउन नभै जातीय परिकार एवं ओझेलमा परेका स्थानीय धरोहरहरूको  प्रवर्द्धनका लागि गरिएको आयोजक प्रवीण राईले साप्ताहिकलाई बताए। आन्तरिक पर्यटनको विकास गर्ने उद्देश्यले सुरु भएको महोत्सवमा  विभिन्न जातीय परिकार प्रमुख आर्कषणमा छन्।

प्रचार/पृष्ठसंकेत/मूल्याङ्कन