तीन प्रश्न

गृहपृष्ठ » » तीन प्रश्न » लेखहरु »

सुजन केसी, भिजे/एडिटर/गायक

प्रायः सबै नेपाली टेलिभिजन च्यानलमा नेपाली गीतको काउन्टडाउन कार्यक्रम प्रसारण हुन्छ। सबैका आ-आफ्नै विशेषता छन्। काउन्टडाउन  कार्यक्रमका भिडियो जक्कीका आधारमा दर्शक सहभागिता बढ्ने-घट्ने पनि भैरहन्छ। हिमालय टेलिभिजनबाट शुक्रबार राति ९ बजे प्रसारण  हुने 'हिमालय काउन्टडाउन' दर्शकहरूले मन पराएका काउन्टडाउन कार्यक्रमहरूमध्ये एक हो। यो कार्यक्रम प्रस्तुत गर्ने भिडियो जक्की सुजन  केसी पनि उत्तिकै लोकप्रिय छन्। कार्यक्रममा विभिन्न गायक-गायिकालाई अनप्लग्ड समेत गराइने भएकाले दर्शकले यो कार्यक्रम मन पराएका  हुन्। बालुवाटार, काठमाडौंका स्थायी बासिन्दा सुजन यो कार्यक्रमका प्रस्तोता मात्र होइनन्, निर्माता तथा भिजुअल एडिटरसमेत हुन्। त्यसो त  सुजन हिमाल टेलिभिजनका अन्य कार्यक्रम पनि एडिट गर्छन् भने केहीमा भ्वाइस ओभर समेत गर्छन्। रेडियो नेपालको लोकप्रिय सांगीतिक  कार्यक्रम 'साज र आवाज' लाई उनी हिमालय टेलिभिजनमार्फत दर्शकमाझ ल्याउने अन्तिम तयारी समेत गर्दैछन्। उनी निर्माताका रूपमा  सहभागी हुने यो कार्यक्रम चाँडै प्रसारणमा आउनेछ। टेलिभिजनमा आउनुअघि उनी गायकका रूपमा स्थापित भैसकेका थिए। सुजनले करिब ५  वर्षअघि नै पहिलो एल्बम 'पल्स' सार्वजनिक गरिसकेका थिए। यतिबेला दोस्रो एल्बम 'पेस' लाई अन्तिम रूपसमेत दिने तयारी गरिरहेका  सुजनसँग साप्ताहिकका कृष्ण भट्टराईको तीन प्रश्नः



गायन रमाइलो कि भिजेइङ ?

टेलिभिजनमा सांगीतिक कार्यक्रम नै सञ्चालन गर्ने भएकाले म दुवै पेसामा उत्तिकै रमाएको छु। दुवै विधा एक-अर्काका परिपूरकझैं भएका  छन्।

तपाईंले सञ्चालन गर्ने काउन्टडाउन कत्तिको निष्पक्ष हुन्छ ?

बजारमा लोकप्रिय भैरहेका, दर्शकहरूको सबैभन्दा बढी अनुरोध आउने, फेसबुक फ्यान पेजमा मन पराइएका गीतहरूलाई मात्र हामी  काउन्टडाउनमा समावेश गर्छौं।

आगामी दिनमा नयाँ के गर्ने योजना बनाउनुभएको छ ?

दर्शकहरूले सांगीतिक रूपमा थप मनोरञ्जन गर्न पाउने एउटा नयाँ कार्यक्रमको तयारी गर्दैछु। त्यसबाहेक भिज्युअल एडिटिङको दक्षता पनि  निखार्ने योजना छ।

तपाईंको प्रतिकृया

कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ अर्को क्याप्चा प्राप्त गर्नुहोस् ]

प्रचार/पृष्ठसंकेत/मूल्याङ्कन

Bookmark and Share

Bookmark

यस अंकका मुख्य लेखहरू

मिस नेपालमा १९ जना

अघिल्लो वर्षकी मिस नेपाल इशानी श्रेष्ठले मिस वल्र्ड-२०१३ मा पाएको...

पूरा लेख »
काठमाडौंमा सन्नी लियोनको ठुम्का

करिब एक महिनाअघि काठमाडौंको भ्रमण गरेर धेरैको ध्यान आकषिर्त गर्न...

पूरा लेख »
हामी कामदार मात्र हौं, आरोही होइनौं

'हिमालहरूको हिमाल', 'ज्यानमारा हिमाल' जस्ता थुप्रै उपमा दिइएको छ...

पूरा लेख »
 
epaper-logo

यस अंकको स्तम्भहरू

सबै हेर्नुहोस् » सबै हेर्नुहोस् »

यो पनि पढ्नुहोस्

विज्ञापन


हाम्रा प्रकाशनहरु :