डान्स र मोडलिङमा सँगसँगै

दुई वर्षदेखि मोडलिङमा सक्रिय प्रनिशा उदासले आधा दर्जन म्युजिक भिडियोमा अभिनय गर्न भ्याइसकेकी छिन्। भर्खरै स्नातक सकेकी २०  वर्षीया उदास आकर्षक जीउडाल भएकी मोडलमात्र होइनन्, स्थानीय क्षेत्रमा चर्चित डान्सर पनि हुन्। डान्स एवं मोडलिङमा लाग्नेहरूलाई  समाजले हेयका दृष्टिले हेरेको उनलाई मन पर्दैन। 'डान्स र मोडलिङ हेर्नचाहिँ त्यही समाजका मानिस अघि हुन्छन् तर मोडलिङ र डान्स गनेर् हरूलाई हेर्ने उनीहरूको दृष्टिकोण भने किन नकारात्मक ?' उनको प्रश्न छ। यो क्षेत्रलाई राम्रो र सम्मानजनक बनाउन आवश्यक भएको  उनको भनाइ छ।

रहरैरहरमा फोटोसेसन गरेपछि उनको मोडलिङ यात्रा प्रारम्भ भएको हो। भोजपुरको टक्सारमा जन्मिएर पाँच वर्षदेखि इटहरीलाई कर्मथलो  बनाएकी उदास डान्स प्रशिक्षकसमेत हुन्। 'डान्स र मोडलिङलाई सँगसँगै लाने इच्छा छ। चलचित्रमा अभिनय गर्नुभन्दा पनि राम्रो डान्सर बन्ने  धोको छ,' प्रनिशाले आफ्नो लक्ष्य सुनाइन्।

शब्दः शेखर ढकाल

प्रचार/पृष्ठसंकेत/मूल्याङ्कन