सुवास थापा (नायक/रंगकर्मी)

तपाईंका गुरु ?

सुनिल पोखरेल

नराम्रो आदत ?

सुन्ने मानिसको चाहना नबुझी एकतर्फी रूपमा आफ्नो कुरा व्यक्त गरिरहने

मन नपरेको सेलिब्रेटी ?

अभिनेताका रूपमा हिमेश रेशमिया

जान्नैपर्ने तर नजानेको काम ?

चाप्लुसी

अभिनयबाहेक अरू पेसा ?

छैन

तपाईंसँग भएको सबैभन्दा महँगो भौतिक वस्तु ?

मेरो अपार्टमेन्ट

रंगकर्म र चलचित्रमध्ये एउटा रोज्नुपर्दा ?

कसैले छातीमा बन्दुक राखेर सोधे पनि सक्दिनँ। मलाई दुवै चाहिन्छ।  

कसैलाई गाली गर्नुपर्‍यो भने सबैभन्दा पहिले निस्कने शब्द ?

उल्लु

केसँग सबैभन्दा बढी डर लाग्छ ?

मगजमा आउने नकारात्मक सोचसँग

मात्ने गरी पिएको सम्झना ?

२००२ मा नाटक देखाउने क्रममा डेनमार्क पुगेका बेला एकरात बेस्सरी पिइएछ। आफू बसेको कोठा पत्ता लगाउन नसकेर समुन्द्रको  किनारमा सुतिरहेको अवस्थामा साथीहरूले बोकेर ल्याएछन्।

कसैलाई पिट्नु भएको छ ?

एकपटक छिमेकमा आएको चोरलाई समातेर पेटमा लात्तीले हिर्काउँदा ऊ झन्डै बेहोस भएको थियो। पछि बेकारमा पिटेछु भनेर ग्लानि भयो।

तीन जना स्वदेशी सेक्सी सेलिब्रिटी महिला ?

प्रियंका कार्की, रेखा थापा र सहाना बज्राचार्य

एक जना नायिका जोसँग टाइट हग गर्दा आत्मीयता महसुस हुन्छ ?

त्यस्तो त नायिकासंग होइन, श्रीमतीसँग पो हुन्छ त।

अभिनयको हिसाबमा झरना बज्राचार्य, ऋचा घिमिरे, झरना थापा, प्रियंका कार्की र निशा अधिकारीलाई क्रमबद्ध गर्दा ?

झरना बज्राचार्य, प्रियंका कार्की, ऋचा घिमिरे, निशा अधिकारी र झरना थापा

कुन सेलिब्रेटीलाई सम्झँदा सेक्स डिजायर बढेर आउँछ ?

अमेरिकी गायिका रिहान्ना

बिहान उठ्दा लिंग परिवर्तन भएर राम्री युवती हुनुभएछ भने ?

श्रीमतीलाई पुरुष बनाउन बैंकक लिएर जान्थें

चुम्बनमा मज्जा कि सेक्समा ?

दुवैको सम्मिश्रण

प्रचार/पृष्ठसंकेत/मूल्याङ्कन