महाप्रलयको हल्लामा तपाईंलाई कत्तिको विश्वास छ ? यदि महाप्रलय नै भयो भने के होला ?

मलाई त विश्वास छैन । माया क्यालेन्डरको समय सकिने कुरामा चाहिँ विश्वास गर्न सकिन्छ तर संसार नै ध्वस्त हुने कुरामा विश्वास छैन ।  यदि हल्ला सत्य भयो भने त तपाईं हामी को पो बाँच्ला र ?

शिल्पा पोखरेल, नायिका

मलाई त एक प्रतिशत पनि विश्वास छैन । यो केवल हल्ला मात्र हो ।

आभाष श्रेष्ठ, गायक

म त फिप्टी-फिप्टीमा छु । महाप्रलय होलाजस्तो पनि लाग्छ, नहोला जस्तो पनि लाग्छ । भित्री मनबाट भन्ने हो भने मलाई यो हल्लामा  विश्वास छैन । यस्ता हल्ला पहिले पनि नचलेका होइनन् । संसार ध्वस्त नै भयो भने त सबै सिद्धिगो नि !  

मुनाल शिशिर, निर्देशक

म विश्वास नै गर्दिनँ, किनभने वैज्ञानिकहरूले नै यो एउटा हल्ला मात्र हो भनेपछि हामीले यो हल्लामा विश्वास गर्ने कुनै कारण छैन । नासाले  समेत संसार ध्वस्त हुँदैन भनेर भनिसकेको छ ।

श्रृजा झा, मोडल

मलाई संसार ध्वस्त हुन्छ भन्ने कुरामा विश्वास लाग्दैन । यदि त्यस्तो भयो भने सबै जना जाने हो । यदि त्यस्तो भयो भने हामी सबै अभागी  रहेछौं भन्ने कुरा बुझ्नुपर्छ ।

कमलमान सिंह, गायक

प्रचार/पृष्ठसंकेत/मूल्याङ्कन