भानु शर्मा मोडल

भानु शर्मा एकपछि अर्को म्युजिक भिडियोमा व्यस्त हुन थालेका छन्। नृत्यमा पोख्त भानु २०६० सालमा राष्ट्रिय स्तरको डान्स प्रतियोगिता ' आँगन' मा प्रथम भएपछि धेरैको आँखामा परेका हुन्। झन्डै एक वर्षअघिदेखि मोडलिङ यात्राको थालनी गरेका भानुले करिब दुई दर्जनजति  भिडियोमा अभिनय गरिसकेका छन्। एक दर्जनभन्दा बढी सडक नाटक, आधा दर्जनभन्दा बढी स्टेज नाटकमा अभिनय गर्नुका साथै टेलिफिल्म 'हिजोआजका कुरा', 'समय को भेल' र 'चलेको चलन'मा पनि आफ्नो अभिनय कला प्रस्तुत गरिसकेका छन्। त्यसो त भानुले अभिनयमा  आउनुअघि सुनिल पोखरेल, अनुप बराल र वीरेन्द्र हमालजस्ता हस्तीहरूसँग शिक्षासम्बन्धी ज्ञानसमेत लिइसकेका छन्।

प्रचार/पृष्ठसंकेत/मूल्याङ्कन