Kantipur-qatar

Kantipur

मिति | बुधवार, २०७१ वैशाख १०     Login | Register | Issue No. 268
समसामयिक»

गाउँको परिवर्तन

पर्वत, पुस १९ -
सदरमुकाम कुश्माबजार र छिमेकी बागलुङको बलेवा जोड्ने कालीगण्डकी नदीमाथि यान्त्रिक पुल निर्माण गरिएको छ ।

पर्वत उद्योग वाणिज्य संघको प्रबर्द्धनमा केवलकार शैलीको यान्त्रिक पुलकाकारण डेढ/दुई घन्टाको पैदल दूरी तीन मिनेटमा छोटिएको छ । यसका साथै पर्यटकीय र व्यापारिक गतिविधिमा समेत वृद्धि हुने विश्वास व्यवसायीको छ ।  यातायातकै असुविधाले दुई दशकदेखि बन्द बागलुङ बलेवा विमानस्थल सञ्चालनमा समेत सहयोग पुग्ने स्थानीयले बताए । विमानस्थलबाट मुस्ताङ, भैरहवा र काठमाडौंमा उडान गर्न सकिने स्थानीयको भनाइ छ । बागलुङको दक्षिणी  क्षेत्रका बासिन्दालाई दुईदेखि ५/६ घन्टाको यात्रापछि बागलुङ बजार पुगेर पोखरा, काठमाडौं जानुपर्ने बाध्यता पुलले हटाइदिएको संघका अध्यक्ष रामकृष्ण कर्माचार्यले बताए ।  

पुल ४ करोड रुपैयाँको लागतमा रोपवे केवलकार प्रालि ललितपुरले बनाएको हो । उवासंघले स्थानीयस्तरमै सेयर संकलन गरेर गत असार १७ देखि पुल निर्माण थालेको थियो । संघले ४ सय ३५ जनाबाट २५ हजारदेखि १५ लाख रु पैयाँसम्म सेयर रकम संकलन गरेको थियो । पुल ५ सय ५० मिटर लम्बाइ र २ सय ९४ मिटरसम्मको उचाइमा छ ।

कुश्मा बलेवा यान्त्रिक पुलका अध्यक्ष होमनारायण श्रेष्ठले बागलुङको १६ गाविसवासीलाई पुलले प्रत्यक्ष फाइदा पुग्ने बताए । 'यान्त्रिक पुलका कारण स्थानीयलाई आवतजावतमा सहयोग पुग्नुका साथै व्यावसायिक सम्बन्ध पनि गा ँसिनेछ', श्रेष्ठले भने, 'बलेवा विमानस्थल सञ्चालनमा समेत सहयोग पुग्नेछ ।' विमानस्थल पुग्न बागलुङ सदरमुकामबाट सवारी साधनमार्फत २ घन्टासम्म लाग्ने र पर्वत सदरमुकामबाट पैदल डेढ घन्टा बढी लाग्नेमा यान्त्रिक पुलका  कारण जम्मा ८ मिनेटमा पुग्न सकिने अवस्था सिर्जना भएको छ । 'यान्त्रिक पुलमा तीन मिनेटमा बलेवाको नारायणस्थान, ३ पुग्न सकिन्छ,' श्रेष्ठले भने, 'त्यहाँबाट जम्मा ५ मिनेट पैदल हिँडे विमानस्थलको गेटमा पुगिन्छ ।'

पोखरा बागलुङ राजमार्गको निर्माणसँगै २०४९ देखि विमानस्थल बन्द छ । गत वर्ष हवाई सेवा सञ्चालनका लागि नागरिक उड्डयन कार्यालयले टावरलगायतका पूर्वाधार मर्मत गरी परीक्षण उडानसमेत गरेको थियो । त्यसलाई  निरन्तरता नदिएपछि हवाई सेवा सञ्चालनको आशा गरेका स्थानीयबासी निराश बनेका बेला यान्त्रिक पुल निर्माणले फेरि आशा जगाएको छ ।  यसका साथै पुल पर्यटकीय गन्तव्य बन्ने र आसपासका भैरवस्थान, मुलाबारी, गुप्तेश्वर  गुफाजस्ता धार्मिक तथा पर्यटकीय महत्त्वका ठाउँको प्रबर्द्धनमा टेवा मिल्ने उनले बताए ।

पुलमा ८/८ व्यक्ति बस्न मिल्ने दुई यान्त्रिक कार जडान गरिएको

छ । एउटा कुश्मातर्फ आउँदा अर्को बलेवातर्फ जान्छ । मालसामान ढुवानी पनि हुन्छ । 'बूढाबूढी, केटाकेटी र बिरामीलाई निकै असुविधा थियो, अब अप्ठेरो बाटोमा उकालीओराली गर्नुनपर्ने भयो,' बलेवाका लक्ष्मीनारायण श्रेष्ठले भने,  'दुई घन्टाको बाटो ३ मिनेटमै पार गर्न पाउँदा खुसी लागेको छ ।' उनले मालसामान ढुवानी पनि सस्तो हुने बताए ।  कर्माचार्यले पुल माघ एक गतेदेखि व्यावसायिक रूपमा सञ्चालन गरिने र राष्ट्रपतिमार्फत उद्घाटन गराउने  तयारी भइरहेको छ । 'अब राजधानी गएर विमानस्थल संञ्चालनको माग गरिनेछ,' उनले भने ।

 

प्रकाशित मिति: २०७१ वैशाख १० ०५:३०
Today's Paper
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

धन्न आपूर्ति सहज भ' र'छ !... दिनभरि लाइन बसेर अलिकति भे नि पाइयो !

विज्ञापन

Radio Kantipur Rakshya Travel
  हाम्रा प्रकाशनहरु :
Our Publication