Kantipur-qatar

Kantipur

मिति | शुक्रबार, २०७१ वैशाख ५     Login | Register | Issue No. 267
अन्तिम पृष्ठ»

"लभ लेटर पाइएन"

मंसिर २८ -
दाङको टरी गाउँमा २२-२३ वर्षअघि जन्मेकी रीता केसीको चिनारी अचेल त्यो ठाउँ पार गरेर देशदेशान्तर पुग्न थालेको छ । दुई दिदीकी बैनी र एक भाइकी दिदी रीता दाङकै पशुपति माविमा आठ कक्षासम्म पढेर परिवारजनसँग काठमाडौं आइन् । कोटेश्वरको सरस्वती माविबाट २०६२ मा एसएलसी सकेर ललितकला क्याम्पसमा भर्ना भइन्, संगीतमा उच्च शिक्षा लिन । त्यहाँबाट उनले बीम्युज सकिसकेकी छन् । अचेल त्रिभुवन विश्वविद्यालयको केन्द्रीय क्याम्पसमा एमम्युजमा भर्ना भएकी छन् । उनले 'वीरताको चिनो,' 'लडाइँको लाहुरे,' 'बस्ती,' 'सायना,' 'घमन्ड,' 'खुर्पा' सहित दर्जनौं फिल्ममा गाएकी छन् । 'तिमी माया बनेर आयौ...,' 'मायालु तिमी मीठो बोल...' आदि उनका चलेका गीतहरू हुन् । उनी कन्सर्टका लागि सिक्किम, दार्जिलिङ, मलेसिया पुगेकी छन् । फिल्मी गायन र आधुनिक गीत गायनका लागि उनले दुई चोटि राप्ती अवार्ड प्राप्त गरेकी छन् ।

सांगीतिक सौख कसरी पलाएको थियो ?

आमाले भने अनुसार, म बच्चैदेखि गुनगुनाउने गर्थें रे । घरमा संगीतलाई गम्भीरतापूर्वक लिने कोही नभए पनि ममा गाउने चाहना गहिरो हुँदै गयो । पशुपति स्कुलमा पढ्दा कम्पिटिसनहरूमा भाग लिन थालें । सबैले प्रशंसा गर्न थाले । काठमान्डु आएर स्कुल पढ्न थालेपछि पनि त्यो क्रम अगाडि बढ्दै गयो । आफू गाउनकै लागि जन्मेकी हुँ भन्ने पर्दै गयो । अहिले करिअर नै संगीत भएको छ ।

पहिलो चोटि गीत रेकर्डिङको अफर कसबाट पाउनुभएको थियो ?

म ललितकला क्याम्पसमा आईए पढ्दै थिएँ । संगीतकार वसन्त सापकोटाले त्यही बेला 'जोखिम' फिल्मको संगीतको जिम्मा पाउनुभएको रहेछ । अनि उहाँले नै मलाई त्यसमा गाउने मौका दिनुभयो । यो २०६३ सालको कुरा हो । त्यति बेला म सोर्‍ह-सत्र वर्षकी थिएँ होला । 'जोखिम' को गीत सुनेर कोमल वली दिदी प्रभावित हुनुभएछ । उहाँ पनि दाङमै जन्मनुभएको हो । त्यसपछि उहाँले तीज गीत गाउन दिनुभयो । यसरी म रेकर्डिङमा

व्यस्त हुँदै गएँ ।

सानै उमेरमा रेकर्डिङमा लागे पनि तपाईं त्यति

चर्चामा हुनुहुन्न । कारण के होला ?

एक त म आफैंमा रमाउने खालकी छु,

अर्को कुरा मिडियाका मान्छेहरूलाई त्यति चिनेकी पन छैन । चुपचाप बस्ने स्वभावले गर्दा यस्तो

भएको होला ।

बिहे पनि सानैमा गर्नुभएछ ।

हजुर, तीन वर्ष भयो । उन्नाइस वर्षकी थिएँ,

बिहे गर्दा ।

लभ म्यारिज हो ?  

हैन, एरेन्ज म्यारिज नै हो ।

१९ वर्षमै एरेन्ज म्यारिज ?

संयोग नै त्यस्तै पर्‍यो । उहाँ पनि शंखमूलमै बस्ने भएकोले अलिअलि चिनजान चैं थियो । तर बिहे नै हुने गरी सम्बन्ध गाढा भएको थिएन । मेरी ठूल्दिदीको बिहे भइसकेको थियो, माल्दिदीको भएको थिएन । तर उहाँहरूले ठूल्दिदीमार्फत मेरो हात माग्नुभयो । एकदमै प्रेसर आउन थालेपछि मैले उम्किनै पाइनँ । कुरा छिनेको एक हप्ताभित्रै बिहे भएको हो । तर जे भए पनि जहिले भए पनि बिहे गर्नैपथ्र्यो । दुईतीन वर्ष छिटो भएर केही बिगि्रने पनि होइन ।

गायिकाले बिहे गरेको थाहा पाए केटा फ्यानहरू घट्छन् रे ।

एकदुई केस त्यस्तो हुन सक्ला, तर

सबैमा त्यो लागू हुँदैन । कसैको पनि फ्यान फलोअरको आकार सम्बन्धित व्यक्तिको योग्यतामा, प्रतिभामा भर पर्ने गर्छ । कुनै गायिकाले जिन्दगीभर बिहे नगरे पनि उनको गाउने क्षमतै छैन भने फ्यानहरू उनको पछाडि किन लागिरहन्छन् र ?

बिहेअगाडि हुनेवाला दुलहासँग कस्ता कुरा भएका थिए ?

मैले बढीजसो म्युजिककै कुरा गरेकी थिएँ । बिहेपछि मैले संगीतलाई निरन्तरता दिन पाउने कि नपाउने, सपोर्ट हुने कि नहुने, परिवारले दिक्क मान्ने कि नमान्ने जस्ता कुरा गरेकी थिएँ । उहाँले हन्डे्रड पर्सेन्ट सपोर्ट गर्ने बाचा गर्नुभएको थियो । त्यो

बाचा अहिलेसम्म तोडिएको छैन । भविष्यमा कहिल्यै तोडिँदैन पनि होला । केही विवाहित गायिकाहरूले कठिनाइको सामना गरेको मैले पनि सुनेकी छु । उनीहरू परिवारमै बाँधिएका छैनन् ।

मेरो अनुभव त्यस्तो छैन । मैले कुनै दिन रियाज गरिनँ भने उहाँले नै सम्झाउने गर्नुभएको छ ।

तपाईं स्कुलदेखि नै गाउने मान्छे, केटाहरूले लभ लेटर निकै पठाएका थिए होलान् ।

मैले अहिलेसम्म एउटा पनि पाएकी छैन । दाङको पशुपति माविमा पढुन्जेल पनि त्यस्तो भएन । त्यहाँ केटाहरूले आफूले मन पराएका केटीहरूको नामसँग आफ्नो नाम जोडेर स्कुलका भित्तामा लेख्ने गर्थे । मेरो मात्र हैन, सबै केटीहरूको भोगाइ यस्तै थियो । काठमान्डु आएपछि गाउन र पढ्नमै व्यस्त भएँ, केटाहरूतिर ध्यान दिने समय पनि भएन । अर्को कुरा म अलिक कडा स्वभावकी छु । त्यसले गर्दा पनि लभ लेटर नपाएकी हुँला ।

सासूससुराले नातिनातिनाको मुख हेर्न पाए हुन्थ्यो भन्नुभएको छैन ?

अहिलेसम्म त छैन । भर्खर एमम्युज पढ्दै छु । पढाइ नसकी बच्चा पाउने योजना छैन । सासूससुराको इच्छा पनि मैले पहिले पढाइ सिध्याउँ भन्ने छ ।

प्रकाशित मिति: २०७१ वैशाख ५ ०५:३०
Today's Paper
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अविन

एऽऽ इस्थगित भो ?!... कोरम पुग्या जस्तो देखेसि क्यै चंै हुँदैछ भन्ने शंका त ला’थ्यो !

विज्ञापन

New Year Suppliment 2071 Radio Kantipur Rakshya Travel
  हाम्रा प्रकाशनहरु :
Our Publication