Saarc 2014

ओबामाद्वारा नेपालीलाई अवार्ड



Bala Ghimire

न्युयोर्क, मंसिर १३ - अर्घाखाँची जन्मथलो भएका बाला घिमिरे, अमेरिकी राष्ट्रपति स्वंयम सेवक अवार्डबाट सम्मानित भएका छन् । अमेरिकी राष्ट्रपति बाराक ओबामाद्वारा हस्ताक्षरित हवाईट हाउसबाट जारी पत्र अनुसार घिमिरेलाई  समुदाय र राष्ट्रको समाजसेवामा  योगदान गरेबापत सो सम्मान गरिएको हो ।

सम्मान पत्रमा राष्ट्रपति ओबामाले अमेरिकी जनता, अमेरिका र सम्पूर्ण विश्वका लागि हरेक अमेरिकी जिम्मेवार हुनुपर्ने उल्लेख गर्दै घिमिरेको समुदाय प्रतिको योगदानले अमेरिका आफनो वाचाहरु पूरा गर्न अरु नजिक पुगेको उल्लेख गरेका छन् । ओबामाले घिमिरेलाई

ओबामाको गृह शहर शिकागोमा रेष्टुरेन्ट व्यवसायमा सक्रिय घिमिरेले ईकान्तिपुर सँगको टेलिफोन कुराकानीमा अवार्डले आफू निकै उत्साहित भएको बताउदैं थप जिम्मेवारी बोध भएको उल्लेख गरे । उनको संक्षिप्त प्रतिक्रिया थियो' राष्ट्रपति ओबामाको प्रसंशाले निकै खुशी तुल्याएको छ ।'

त्यसैगरी च्यानल १९ र ३५ मा प्रसारण केवल टेलिभिजन कार्यक्रम एसियन क्रोनिकल युएसले समाजसेवामा सक्रिय भएकै कारण घिमिरेलाई 'एसियाली  उदारहणीय नागरिक सेवा अवार्ड २०१३' ले सम्मानित गरेको छ ।

 

 

प्रकाशित मिति: २०७० मंसिर १३ १२:००