‘जनसत्ता’वैधानिकता निर्णय फिर्ता लेऊः कोइराला
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
दाङ (तुलसीपुर), माघ १४ - कांग्रेस सभापति सुशील कोइरालाले द्वन्द्वकालमा ‘जनसत्ता’ले कब्जा गरेको घरजग्गालाई वैधानिकता दिने माओवादी नेतृत्वको सरकारले गरेको निर्णय तत्काल फिर्ता हुनुपर्ने बताएका छन् ।
कांग्रेस क्षेत्र नं १ का तत्कालीन क्षेत्रीय सभापति स्वर्गीय नारायण चौधरीको दाङको मौरीघाटमा निर्माण गरिएको सालिक अनावरण गर्न दाङ आएका कोइरालासँग प्रेस युनियन दाङले मौरीघाटमा आज गरेको पत्रकार भेटघाट कार्यक्रममा उनले सो कुरा बताएका हुन् ।
सरकारले आफ्नो निर्णय फिर्ता नलिएसम्म संसद अवरुद्ध जारी नै राख्ने बताउँदै उनले भने, ‘शान्ति प्रक्रियाले गति लिइरहेको थियो तर द्वन्द्वकालमा जबर्जस्ती गरिएका निर्णयलाई वैधानिकता दिने कुराले शान्ति प्रक्रियामा बाधा पुर्याएको छ ।’
यसैबीच, कांग्रेसका तत्कालीन क्षेत्रीय सभापति स्वर्गीय चौधरीको आज दिउँसो सालिक अनावरण तथा विशाल सभाको उदघाटन कार्यक्रम रहेको नेपाली कांग्रेस दाङले जनाएको छ ।
प्रकाशित मिति: २०६८ माघ १४ ११:४२
तपाईंको प्रतिकृया