कास्की, भाद्र ७ - सेती नदीमा सोमबार बिहान एक युवक बेपत्ता भएका छन् ।  पोखराको तुलसीघाट नजिकैबाट अन्दाजी  ३२ वर्षका  चुडामणि बास्तोला बेपत्ता भएको प्रहरीले जनाएको छ । माझठाना, ६ घर भएका बाँस्तोलाले नदीमा  फाल हानेर बेपत्ता भएको आंशका गरिएको छ । अबिरल वर्षाका कारण नदीको वहाव बढेकाले  उनी फेला पर्न सकेका छैनन ।

  घटनास्थल पुगेको प्रहरीले बेपत्ता बास्तोलाको खोजी गरिरहेको जिल्ला प्रहरी प्रवक्ता विश्वराज अधिकारीले बताए । सेती नदी बढेकोले उनि फेला पर्ने संभावना कम देखिएको छ ।

प्रकाशित मिति: २०६७ भाद्र ७ ११:२२