अनमिनको भूमिकामा नअल्मलिउः अमेरिकी राजदूत
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौ, भाद्र २५ - अमेरिकी राजदूत स्कट एच. डिलिसीले अनमिनको अनुमनकारी तथा अन्य भूमिकाको बहसमा नअल्मलिई शान्ति सम्झौताको पूर्ण पालनामा लाग्न सुझाव दिएका छन् ।
बिहीबार बेलायती र फ्रान्सेली राजदूतसंगै आफुले प्रधानमन्त्री माधवकुमार नेपाल र माओवादी अध्यक्ष पुष्पकमल दाहालसंगको छुट्टछुट्टै छलफलका सम्बन्धमा शुक्रबार प्रेस बिज्ञप्ति प्रकाशित गरी भेटका उद्देश्य बताएका हुन् ।
'हाम्रो उद्देश्य अनमिनको कार्यादेशको भविष्यका बारेमा सरकार तथा माओवादीको धारणा बुझ्नु रहेको थियो' उनले भनेका छन्, 'यसबारेमा पूर्ण सहमति नभईकन अनमिनलाई यहाँ प्रभावकारी रुपमा काम गर्न असम्भव हुने हाम्रो धारणा रहेको छ ।'
उनले बिज्ञप्तिमा अनमिनको अनुगमनकारी भूमिकाको विषयमा पार्टी बीच छलफल तथा सहमति जरुरी रहेको र त्योभन्दा महत्वपूर्ण विषय शान्तिप्रक्रियाको पूर्णताका लागि बाधक रहेका मूलभूत मुद्दाहरुलाई सम्बोधन गर्नु रहेको उल्लेख गरेका छन् ।
'हामी आशा गर्दछौं कि पार्टी यी मूल मुद्दामा केन्द्रित रहनेछन् र अनमिनको अनुगमनकारी तथा अन्य भूमिकाको बहसमा नअल्मलिई शान्ति सम्झौताको पूर्णर् रुपमा पालना गर्न आवश्यक पर्ने कठोर राजनैतिक निर्णयहरु लिनेछन्' उनले भनेका छन् ।
प्रकाशित मिति: २०६७ भाद्र २५ १२:२७
तपाईंको प्रतिकृया