उम्मेदवारी फिर्ता हुँदैनः पौडेल / सरकार दशैंपछिः देउवा
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं, भाद्र २० - कांग्रेस नेताहरुले निर्वाचन प्रक्रियामा प्रवेश गरिसकेको अवस्थामा उम्मेदवारी फिर्ता लिन नसकिने बताएका छन् । उनीहरुले अर्को चरणको निर्वाचनमा आफ्ना उम्मेदवार विजयी हुने दाबी गरे ।
प्रधानमन्त्रीका उम्मेदवार तथा कांग्रेस संसदीय दलका नेता रामचन्द्र पौडेलले सवै दल मिलेर निकास दिनुपर्ने बताए । 'प्रक्रियामा प्रवेश गरिसकियो,' उम्मेदवारी फिर्ता लिनुहुन्छ भनी सञ्चारकर्मीले सोधेको प्रश्नमा पौडेलले भने, 'अव त उम्मेदवारी फिर्ता लिने ठाउँ छैन ।'
दशैंपछि सरकारः देउवा
प्रधानमन्त्री निर्वाचनपछि संसद् भवन परिसरमा सञ्चारकर्मीसित कुरा गर्दै कांग्रेस बरिष्ठ नेता शेरबहादुर देउवाले भने दशैंपछि पौडेलको नेतृत्वमा सरकार बन्ने दाबी गरे । 'अब कांग्रेसको महाधिवेशनपछिमात्र सातौं चरणको निर्वाचन हुनुपर्छ भन्ने हाम्रो माग छ,' देउवाले भने, 'त्यस निर्वाचनमा हाम्रा उम्मेदवारले जित्नहुनेछ ।'
देउवाले सातौं चरणको निर्वाचन महाधिवेशनपछिमात्र हुने भएकाले नयाँ सरकार दशैंपछि बन्ने उल्लेख गरे । उनले कांग्रेसले उम्मेदवारी फिर्ता नलिने अडान दोहोर्याए ।
यसैबीच कांग्रेस सह महामन्त्री रामशरण महतले एमालेले तटस्थताको निर्णय परिवर्तन गरेर आफ्ना उम्मेदवारलाई सघाउनुपर्ने बताएका छन् । उनले एमालेले आफ्नो दललाई सहयोग नगर्ने कुनै एकको पक्षमा उभिएन मुलुकलाई निकास दिनुपर्ने बताए ।
प्रकाशित मिति: २०६७ भाद्र २० ०५:१८
तपाईंको प्रतिकृया