छैटौं पटक पनि हारे दाहाल र पौडेलले (प्रत्यक्ष जानकारी)
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं, भाद्र २० - प्रधानमन्त्री चयनका लागि आइतबार भएको छैटौं चरणको निर्वाचन पनि व्यर्थ भयो । माओवादी अध्यक्ष पुष्पकमल दाहाल र कांग्रेस संसदीय दलका नेता रामचन्द्र पौडेलले बहुमत पुर्याएनन् ।
संयुक्त लोकतान्त्रिक मधेसी मोर्चाबाट आइतबारमात्र अलग भएको मधेसी जनअधिकार फोरम प्रधानमन्त्री निर्वाचनमा सहभागी भएन । फोरमको बैठक 'संविधानसभामै निर्णय गर्ने' भन्दै सकिएको थियो ।
आइतबारको निर्वाचनमा पनि एमाले, संयुक्त लोकतान्त्रिक मधेसी मोर्चामा आवद्ध फोरम लोकतान्त्रिक, तमलोपा र सद्भावना, नेकपा माले, नेकपा संयुक्त लगायतका दल तटस्थ बसे ।
कुनै एक उम्मेदवारले बहुमत प्राप्त नगरेसम्म मतदानको प्रक्रिया दोहोरिँदै जाने संसद् नियमावलीको व्यवस्थाअनुसार आइतबार छैटौं पटक पनि दाहाल र पौडेलबीच प्रतिस्पर्धा भएको हो ।
निर्वाचनबारे प्रत्यक्ष जानकारी (ताजा जानकारीका लागि यहाँ क्लिक गर्नुहोस्)
- प्रधानमन्त्री निर्वाचनका लागि अर्को मिति तय गर्न व्यवस्थापिका संसद्को बैठक आधा घण्टाका लागि स्थगित भएको छ । कार्यव्यवस्था समितिको बैठकपछि बस्ने संसद् बैठकले प्रधानमन्त्री चयनका लागि नयाँ तिथि घोषणा गर्ने छ ।
- पौडेलले पनि स्पष्ट बहुमत (३०१) पुर्याउन नसकेपछि उनको प्रस्ताव अस्वीकृत भएको सभामुखले घोषणा गरेका छन् ।
- कांग्रेस उम्मेदवार रामचन्द्र पौडेल छैटौं पाँचौ पटक पनि पराजित भएका छन् । उनको पक्षमा १२२ मत परेको थियो । यस्तै पौडेलको विपक्षमा २४२ र तटस्थमा १७२ मत परेको छ । मतदान प्रक्रियामा ५३६ सभासद सहभागी भएका थिए ।
- पौडेलको प्रस्तावका सम्बन्धमा मत विभाजन सुरु भएको छ । कांग्रेस सभासदहरु पक्षमा मतदान गर्न गएका छन् भने माओवादी, एकीकृतलगायतका सभासद विपक्षमा मतदान गर्न गएका छन् । एमाले, मधेसवादीसहित साना दलका सभासदहरुले तटस्थमा मतदान गरेका छन् ।
- संविधानसभा बैठक बाहिर रहेका सभासदहरुलाई भित्र प्रवेश गर्नका लागि पाँच मिनेटसम्म घण्टी बजाइएको छ ।
- कांग्रेस उम्मेदवार रामचन्द्र पौडेलका प्रस्तावक शेरबहादुर देउवाले पौडेललाई प्रधानमन्त्रीमा निर्वाचित गरियोस् भनी गरेको प्रस्तावलाई पुनः निर्णायार्थ पेस गरिएको छ ।
- संविधानसभा बैठक बाहिर रहेका सभासदहरुलाई भित्र प्रवेश गर्नका लागि पाँच मिनेटसम्म घण्टी बजाइएको छ ।
- दाहालले स्पष्ट बहुमत (३०१) पुर्याउन नसकेपछि उनको प्रस्ताव अस्वीकृत भएको सभामुखले घोषणा गरेका छन् ।
- माओवादी उम्मेदवार पुष्पकमल दाहाल आज छैटौं पटक पनि पराजित भएका छन् । उनको पक्षमा २४० मत परेको थियो । यस्तै दाहालको विपक्षमा १०१ र तटस्थमा १६३ मत परेको छ । मतदान प्रक्रियामा ५०४ सभासद सहभागी भएका थिए ।
- मतदानका बेला बन्द गरेका प्रवेशद्वारा खोल्न सभामुखले आदेश दिएका छन् ।
- सभामुख सुवासचन्द्र नेम्वाङले आफ्नो मत सच्याउन चाहने सभासदहरुका लागि तीन मिनेटको समय प्रदान गरेका छन् । सच्याउन चाहने सभासदहरुले ड्यासमा गएर मत सच्याउन सक्ने नेम्वाङले जानकारी दिएका छन् ।
- मतदान सकिएपछि मतगणना सुरु भएको छ । संसदका कर्मचारीहरुले अहिले मतगणना गरिरहेका छन् ।
- मतदान सकेर सभासदहरु फर्किनेक्रम सुरु भएको छ ।
- तटस्थमा मतदान गर्ने सभासदहरु छुट्टै स्थानमा गएका छन् । यस्तै प्रस्तावको पक्षमा मतदान गर्न माओवादी अध्यक्ष पुष्पकमल दाहाललगायतका नेताहरु आफूलाई छुट्याएको स्थानमा गएका छन् । विपक्षमा मतदान गर्न कांग्रेसका सभासदहरु छुट्टै स्थानमा गएका छन् ।
- माओवादीका पुष्पकमल दाहालका प्रस्तावक बाबुराम भट्टराईले दाहाललाई प्रधानमन्त्रीमा निर्वाचित गरियोस् भनी गरेको प्रस्तावलाई पुनः निर्णायार्थ पेस गरिएको छ ।
- संविधानसभा बैठकभित्र प्रवेश गर्ने सवै ढोकाहरुलाई बन्द गर्न सभामुखको निर्देशन ।
- संविधानसभा बाहिर रहेका सभासदहलाई बैठकमा प्रवेश गर्नका लागि सूचना दिन पाँच मिनेटसम्म घण्टी बजाइएको छ ।
- विभाजन घण्टा बज्न सुरु भएको थियो, यो ५ मिनेटसम्म बजिह्यो ।
- सभामुख सुवासचन्द्र नेम्वाङले निर्वाचन प्रक्रियाबारे जानकारी गराएका छन् ।
- प्रधानमन्त्री चयनका लागि व्यवस्थापिका संसद् बैठक सुरु भएको छ । बैठक सुरु भएको जनाउ घण्टी बज्न सुरु भएको छ ।
- संयुक्त लोकतान्त्रिक मधेसी मोर्चाबाट आजमात्र अलग भएको मधेसी जनअधिकार फोरम प्रधानमन्त्री निर्वाचनमा सहभागी भएन ।
- यसअघि प्रधानमन्त्री चयनका लागि बसेको व्यवस्थापिका संसदको बैठक समयमै सुरु भएपछि आज भने अधिकांश सभासद्हरु बैठकस्थलमा पुगेका छन् । चौथो चरणको निर्वाचनमा सभासद्हरु ढिला आउँदा धेरै मतदान दिनबाट बञ्चित भएका थिए ।
- प्रधानमन्त्रीका उम्मेदवार माओवादी अध्यक्ष पुष्पकमल दाहाल र कांग्रेस संसदीय दलका नेता रामचन्द्र पौडेल संविधानसभा बैठकस्थलमा आइपुगेका छन् । यस्तै एमाले अध्यक्ष झलनाथ खनालसहित २६ वटै दलका शीर्ष नेता तथा सभासद्हरु संविधानसभामा उपस्थित छन् ।
- लगातार भएका निर्वाचनमा पनि दलहरु प्रधानमन्त्री चयन गर्न असक्षम भएको भन्दै दबाबका लागि संविधानसभा बाहिर जनजाति महासंघका पदाधिकारी तथा अधिकारकर्मीहरु धर्नामा छन् ।
- पाँच पटकसम्म भएको निर्वाचनमा पनि प्रधानमन्त्री चयन हुन नसकेपछि आज पुनः चुनाव हुँदैछ । निर्वाचनमा माओवादी अध्यक्ष पुष्पकमल दाहाल र कांग्रेस संसदीय दलका नेता रामचन्द्र पौडेल मैदानमा छन् ।
प्रकाशित मिति: २०६७ भाद्र २० ०३:१७
तपाईंको प्रतिकृया