एक कार्यकालको लागि मात्र सभापतिमा उम्मेदवारी - सुशील कोइराला
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौ, भाद्र १९ - नेपाली काँग्रेसका कार्यवाहक सभापति सुशील कोइरालाले पार्टीको सभापतिमा एक कार्यकालको लागि मात्र उम्मेदवारी दिन लागेको बताएका छन् ।
काँग्रेस संस्थापकहरुको पुस्तापछि पार्टीको जिम्मेवारी दोस्रो पुस्तामा आएको र त्यो जिम्मेवारी निर्वाह गर्न आफूहरु तयार रहेको भन्दै कार्यवाहक सभापति कोइरालाले आफूले एक कार्यकालको लागि १२ औं महाधिवेशनमा चुनाव लड्न लागेको बताएका हुन् ।
"यस पछि पार्टी प्रजातान्त्रिक मूल्य मान्यता, संस्थागत परिपाटी र सिस्टम बसेर नेतृत्व हस्तान्तरण हुन्छ," आफ्नै निवासमा सञ्चारकर्मीसँग शनिबार भएको कुराकानीमा उनल भने ।
महाविधेशनको सूचना प्रवावकारी ढङ्गले पत्रकारहरुलाई उपलब्ध गराइने जानकारी दिँदै कार्यवाहक सभापति कोइरालाले पार्टीको नीति तथा कार्यक्रमको मस्यौदा पुस्तकका रुपमा जिल्ला जिल्लामा पठाइने र महाधिवेशनबाट पारित गरिने पनि बताए।
नेपालमा स्थायी शान्ति र राजनीतिक स्थिरता कायम गर्न सकिए १५/२० वर्षै प्राकृतिक स्रोत साधनको उपयोग गरी देशको कायापलट गर्न सकिने भन्दै कार्यवाहक सभापति कोइरालाले त्यसबाट नेपाललाई नमुना प्रजातान्त्रिक देशका रुपमा विकास गर्न सकिने बताए ।
रासस
प्रकाशित मिति: २०६७ भाद्र १९ ०५:५२
तपाईंको प्रतिकृया