'प्रेसमाथिको हस्तक्षेप कुटनीतिक मर्यादा विपरीत'
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
दोलखा-, भाद्र १९ - संचारमन्त्री शंकर पोखरेलले भारतीय राजदुतद्धारा नेपाली आमसंचार क्षेत्रमाथि गरेको हस्तक्षेपलाई कुटनैतिक मर्यादाविपरित भएको बताएका छन् ।
हिमाली रेडियो १०१ थोप्लो ८ मेघाहर्जको रेडियो उद्घाटन गर्न जिरी आएका उनले प्रेस चौतारी दोलखाद्धारा आयोजित पत्रकार सम्मेलनमा त्यस्तो बताएका हुन् । संचार मन्त्री पोखरेलले नेपाली आमसंचार स्वतन्त्र भएकोले कहीँकतैबाट हुने हस्तक्षप निन्दनीय भएकोले दुताबासको कदम मर्यादाविपरित भएको उल्लेख गरे । उ
नले भारतीय राजदुत राकेश सुदले गरेको कार्यबारे परराष्ट्र मन्त्रालयले छानवीन गरिरहेको बताउँदै कुनै पनि मुलुकलाई नेपाली आमसंचार माध्यमप्रति गुनासो भए कानुनी बाटो लिनसक्ने पनि बताए । उनले भने, 'आमसंचारमाध्यमबाट त्रुटी भए दुताबासले नेपाल सरकार, प्रेस काउन्सिल वा अदालती प्रकृयामा जानुपर्ने हुन्छ ।'
दोलखाको जिरीबाट हिमाली आवाजको रुपमा प्रशारण सुरु भएको हिमाली रेडियो एकसय वाट क्षेमताको छ । च्यामोलेङ्मो प्रालिद्धारा संचालित रेडियोको शुभारम्भ गर्दै संचारमान्त्रीले रेडियो जनताको आवाज बन्नु पर्नेमा जोड दिए । सो अवसरमा एमाले पोलिटव्युरो सदस्य पशुपति चौलागाईंले आमसंचारमाध्यमलाई भैरहेको बाहिय हस्तक्षेपको विरुद्ध सबै जुट्नेपर्ने बताए । रेडियोका अध्यक्ष आङदेण्डी शेर्पाले सामुदायले सहयोग गरेमात्र रेडियो निरन्तर प्रशारण हुनसक्ने बताए ।
प्रकाशित मिति: २०६७ भाद्र १९ ०४:३२
तपाईंको प्रतिकृया