दाङ, श्रावण ३१ - दाङको पछिल्लो सुरक्षा अवस्थाका वारेमा जानकारी लिन आज नेपाल प्रहरीका अतिरिक्त महानिरिक्षकको नेतृत्वमा एक टोली दाङ आएको छ । प्रहरी अतिरिक्त महानिरिक्षक किरण गौतमको नेतृत्वमा जिल्ला आएकोे टोलीले दाङका प्रमुख जिल्ला अधिकारी, प्रहरी प्रमुख लगायतसंग भेट गरी जिल्लाको सुरक्षा अवस्थाका वारेमा जानकारी लिने भएको छ ।

पछिल्लो सयममा दाङमा हत्या, चन्दा असुली र अपहरण जस्ता घटनामा बृद्धी हुन थालेपछि उच्च सुरक्षा अधिकारीको टोलीले जिल्लाको शान्ति सुरक्षाबारे बुझ्न थालेको हो । पछिल्लो समयमा सञ्चार उद्यमी देविप्रसाद धितालको हत्या भएको २७ दिन बितिसक्दा पनि घटनाको कुनै पनि तथ्य फेला पर्न सकेको छैन । यसैगरी साउन १६ गते बेपत्ता भएका बिजौरी-५ बिजौरी निवासी ५९ वर्षीय मुकुन्द गौतमको अबस्था पनि अझै अज्ञात रहेको छ ।

प्रकाशित मिति: २०६७ श्रावण ३१ ०३:४२