डोटी, श्रावण १५ - झाडापाखालाबाट एक बृद्धाको मृत्यू भएको पुष्टि भएको छ । खरसैन वडा नं. ८ बिस देबी भुलको विहीवार मृत्यू भएको शनिवार पुष्टि भएको हो । जिल्लावाट स्वास्थ्य सहायक जगत महत्तोको नेतृत्वमा गएको टोलीले भुलको मृत्यू भएको पुष्टि गरेको थियो । खिरसैनमा अन्य दुइजना पनि झाडापखालावाट सिकिस्त रहेको स्वास्थ्य सहायक महत्तोले वताए । गाउका अन्य ११ जनामा पनि झाडापखाला देखिएको छ । पायक पर्ने ठाउमा स्वास्थ्य चौकी नभएपछि झाडापखालाका विरामीहरु निजी क्लिनीकमा जानेगरेकाले झाडापखाला फैलिएको समयका थाहा हुन नसकेको जिल्ला स्वास्थ्यले जनाएको छ ।

 

प्रकाशित मिति: २०६७ श्रावण १५ ०५:०३