नवलपरासीमा जिप पल्टिदा ९ को मृत्यु/ थप मृतकको सनाखत
नवलपरासी , श्रावण १५ - नबलपरासीको पहाडि बुलिङटार दल्दले सडक खण्डको सुक्खा खोलामा शनिबार विहान जीप दुर्घटना हुदा ९ जनाको घटनास्थलमै मृत्यु भएको छ । दुर्घटनामा अन्य ७ जना घाइते भएका छन् ।
दुर्घटनामा बुलिङटार गाविसका लिला रानाभाट , उनकानाति सौरभ , ज्ञानिसरा डिस्वा , डिलमाया पाण्डे, नवलपरासी जौवारी गाविसका धनबहादुर राना, र उनकि श्रीमती बिहिसरा रानाको घटनास्थलमै मृत्यु भएको छ ।
मृतक अन्य तिनजनाको सनाखत हुन सकेको छैन । दुर्घटनामा घाइने हुुनेमा जिपका चालक धनबहादुर महतो , कुमार सुनार , खिम बहादुर सोतीको अबस्था गम्भिर छ । घाइतेहरुको चितवन मेडिकल कलेजमा उपचार भैरहेको छ । घाइते अन्य तिनजनाको बिबरण प्राप्त हुन सकेको छैन ।
बुलिङटार वाट दल्दलेतर्फ आउदै गरेको लु १ ज १८८० नम्बरको जीप कच्चि सडकबाट करिब २ सय फिट तल खसेर दुर्घटना भएको इलाका प्रहरी कार्यालय कावासोतिले जानकारी दिएको छ । घटनास्थल पूर्वपश्चिम राजमार्गअन्तर्गत घटनास्थल महेन्द्रराजमार्गको दलदलेबाट ३० किमि टाढा पहाडि ग्रामिण भेगमा पर्दछ ।
वषर्ादका कारण कच्चि सडकमा चिप्लीएर गाडि दुर्घटना भएको हो ।
प्रकाशित मिति: २०६७ भाद्र २३ १२:२८
तपाईंको प्रतिकृया