अमेरिकी राजदूतको सक्रियता बढ्यो
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं, श्रावण १३ - सरकार बनाउने गृहकार्य भइरहेका बेला अमेरिकी राजदूत स्कट एच डेलिसीले भेटघाट तीब्र पारेका छन् । उनले बिहीबार माओवादी अध्यक्ष पुष्पकमल दाहाल र उपप्रधानमन्त्री विजयकुमार गच्छदारसँग छुट्टाछुट्टै भेट गरे ।
पार्टी मुख्यालय कोटेश्वर पेरिसडाँडामा माओवादी अध्यक्ष दाहालसँग भएको छलफल सरकार निर्माणमा केन्द्रित रहेको माओवादीले जनाएको छ । भेटमा प्रधानमन्त्री चयनमा दलहरुको मतभेद, माओवादीलाई अमेरिकाले हेर्ने दृष्टिकोणलगायतका बिषयमा छलफल भएको बताइएको छ ।
यसैगरी राजदूत डेलिसीले बिहीबार नै उपप्रधानमन्त्री एवं मधेसी जनअधिकार फोरम (लोकतान्त्रिक) का अध्यक्ष विजयकुमार गच्छदारसँग भेट गरे । भेटमा राजदूत डेलिसीले राजनीतिक गतिरोध अन्त्यका विषयमा जिज्ञासा राखेको उपप्रधानमन्त्रीका प्रेस सल्लाहकार कृष्ण पोखरेलले जानकारी दिए ।
करिब एक घन्टा चलेको सो भेटमा गच्छदारले मुलुकलाई राजनीतिक शून्यताबाट निकास दिन आफ्नो दलसमेत सम्मिलित संयुक्त लोकतान्त्रिक मधेसी मोर्चाले प्रयास जारी राखेको बताएका थिए ।
अमेरिकी राजदूत डेलिसीले मंगलबार एमाले अध्यक्ष झलनाथ खनाल तथा कांग्रेस संसदीय दलका नेता रामचन्द्र पौडेलसँग भेट गरेका थिए ।
प्रकाशित मिति: २०६७ श्रावण १३ ०४:२२
तपाईंको प्रतिकृया