प्रधानमन्त्रीले साँझ राजीनामा दिने
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं , अषाढ १६ - दलहरुबीच सहमति नजुटेपनि प्रधानमन्त्री माधवकुमार नेपालले आज साँझ राजीनामा दिने भएका छन् । उनले साँझ ६ बजे राष्ट्रका नाममा सम्वोधन गर्ने कार्यक्रम छ ।
'प्रधानमन्त्रीले आज राजीनामा दिने सम्भावना करिव-करिव पक्का हो,' प्रधानमन्त्रीका प्रेश सल्लाहकार विष्णु रिजालले ईकान्तिपुरसित भने, 'बेलुका ६ बजे राष्ट्रका नाममा सम्वोधन गर्ने कार्यक्रम छ ।' सम्वोधनपछि साँझ ७ बजे प्रधानमन्त्रीले राष्ट्रपति रामवरण यादवलाई राजीनामा बुझाउने छन् ।
राजीनामा तथा राष्ट्रका नाममा गर्ने सम्वोधनका बिषयमा छलफल गर्न प्रधानमन्त्रीले अहिले अनौपचारिक छलफल गरिरहेका छन् । यसैबिषयमा बुधबार बसेको मन्त्रिपरिषद् बैठकमासमेत छलफल भएको छ ।
राष्ट्रका नाममा गर्ने सम्वोधनका बिषयमा छलफल गर्न प्रधानमन्त्री नेपाल अहिले एमाले मुख्यालयमा चलिरहेको स्थायी कमिटी बैठकमा भाग लिन पुगेका छन् । यसलगत्तै सत्ता गठबन्धनका २२ दलको बैठक बस्दैछ । उक्त बैठक सकिनेवित्तिकै साँझ ५ बजे मन्त्रिपरिषदको बैठक बस्ने कार्यक्रम छ भने साँझ ६ बजे प्रधानमन्त्रीले राष्ट्रका नाममा सरकारी निवास बालुवाटारबाटै सम्वोधन गर्नेछन् ।
यस्तो थियो प्रधानमन्त्रीको राजीनामासहित जेठ १४ गते मध्यराति भएको सम्झौता
प्रकाशित मिति: २०६७ अषाढ १६ ०४:१२
तपाईंको प्रतिकृया