काठमाडौ, जेष्ठ १८ - सिन्धुपाल्चोक १८ जेठ- लिसंखु गाविसको घ्याङडाँडामा मंगलबार विहान सकेट बम फेला परेको छ । जिल्ला प्रहरी कार्यालयका अनुसार स्थानीय वसपार्कमा कपडाले वेरेर राखेको अवस्थामा उक्त बम फेला परेको हो ।

प्रहरी नायव उपरीक्षक अजय भट्टराईका अनुसार वम राखेको स्थानलाई सुरक्षाकर्मीले नियन्त्रण्मा लिएको छ । वम निष्क्रिय बनाउन नेपाली सेनासँग समन्वय भैरहेको प्रहरीले जानकारी दिएको छ । निष्क्रिय बनाउन राजधानीबाट सेनाको प्राविधिक टोली झिकाउनु पर्ने छ । वम राखेको नजिकै संयुक्त जाती मोर्चा नेपालको नाममा जनविद्रोह लेखिएको पर्चा फेला परेको छ । पर्चामा राष्टिय मुक्तिको नाममा संघर्ष गरौंलगायतका ३५ वुँदे विवरण उल्लेख छ । बम बा.२.ख १११० नम्बरको बस मुनी फेला परेको थियो ।

प्रकाशित मिति: २०६७ जेष्ठ १८ १०:१५