काठमाडौ, वैशाख १८ - अनमिनले आफ्नो म्याद थप्ने भए त्यसबारे छिटो निर्णय लिन सरकारलाई आग्रह गरेको छ । अनमिन प्रमुख करिन लेनग्रेनले प्रधानमन्त्री माधवकुमार नेपालसंग शनिबार बिहान बालुवाटारमा भेटेर उक्त आग्रह गरेकी हुन् ।

अनमिनको म्याद बैशाखको अन्त्यमा सकिदैंछ । यसअघि अनमिनको म्याद पाँच पटक थपिसकिएको छ । प्रधानमनन्त्रीले दलहरुसंग छलफल चलिरहेको र त्यसविषयमा छिटो निर्णय लिने जानकारी गराएका थिए । नेपाल सम्बन्धी त्रैमासिक प्रतिवेदनमाथिको छलफलमा भागलिन आइतबार राष्ट्रसंघीय मुख्यालय न्युयोर्क प्रस्थान गर्नुअघि  करिनले प्रधानमन्त्रीलाई भेटकी हुन् । भेटमा शान्ति प्रक्रिया जोखिमा पर्दै गएको बारेपनि छलफल भएको थियो । प्रधानमन्त्रीले अनमिनको भूमिका निष्पक्ष हुन नसकेको भन्दै असन्तुष्टि जनाएका थिए ।

 

प्रकाशित मिति: २०६७ वैशाख १८ १०:०१