खोटाङ, वैशाख १८ - जिल्ला अदालत परिसरमा प्रेसरकुकर बम फेला परेको छ । शुक्रबार राति ९बजेतिर विस्फोट गराउन राखेको अवस्थामा प्रहरी गस्ती टोलीले उक्त बम फेला पारेको हो ।

प्रहरी निरीक्षक श्यामबाबु ओलीयाका अनुसार दुई युवकले बिष्फोट गराउन लागेका थिए । गस्तीले अदालत नजिकै पश्चिमीपट्ट ितार जोडिरहेको अवस्थामा फेला पारेको ओलीयाले जनाए । ती युवाहरुलाई प्रहरीले पक्राउ गर्न सकेन । उनीहरुको पहिचान हुन सकेको छैन ।

टोलीले ५० मिटर तार, १५ थान डिटोनेटरसहित दुई लिटरे प्रेसरकुकर बम फेला पारेको प्रहरीले जनाएको छ । बिष्फोट गराउने तयारी गरिरहेको बेला प्रहरी पुगेपछि ती युवाहरू भागेका हुन् । उनीहरु भागेपछि मात्रै प्रहरीले बम बिष्फोट तयारीबारे थाहा पाएका थिए । जिल्लाको मुढेस्थित जबरजङ गण नेपाली सेनाको डिस्पोजल टोलीले बम निष्कृय बनाउने तयारी गरिरहेको प्रहरी निरीक्षक ओलीयाले जनाए ।

प्रकाशित मिति: २०६७ वैशाख १८ ०९:१३